जळगाव

नारळाच्या झाडांमागे गांजा लपवत तस्करी; पोलिसांनी केला आंतरराज्यीय टोळीचा पर्दाफाश

रईस शेख

जळगाव : राष्ट्रीय महामार्गावर बुलेट शोरूमजवळ पोलिसांनी ट्रक अडविला असता, यामध्ये नारळाच्या झाडांमागे गांजाची पोती लपवत हा माल जळगाव शहरात उतरविला जाणार होता. तत्पूर्वीच एमआयडीसी पोलिसांनी ट्रकसह चालकाला अटक केली होती. गुन्ह्यातील गांजा तस्कर फरारी होते. त्यांपैकी एकाला पकडण्यात यश आले असून, आशिक मौला (पटेल) असे अटकेतील तस्कराचे नाव आहे. त्याला न्यायालयात हजर केले असता पोलिस कोठडीत रवानगी झाली आहे. 

एमआयडीसी पोलिस ठाण्यात कार्यरत उपनिरीक्षक विशाल सोनवणे यांना माहिती मिळाली, की मुक्ताईनगरजवळून जिल्ह्या‍च्या हद्दीत शिरलेल्या ट्रकमधून (एमएच ४२, टी २१२५) गांजाची तस्करी होत आहे. तत्कालीन पोलिस उपअधीक्षक डॉ. निलाभ रेहन, निरीक्षक विनायक लोकरे यांच्यासह उपनिरीक्षक रामकृष्ण पाटील, सहाय्यक फौजदार अतुल वंजारी, आनंदसिग पाटील, सचिन पाटील आदी पथकाने ट्रक थांबवून चौकशी केली. ट्रकची तपासणी केली असता, त्यात नारळाची झाडे असल्याचे सांगण्यात आले. सर्व झाडे खाली उतरविल्यावर ट्रकमध्ये गांजाची पोती आढळली होती.

सापळा रचून अटक

गाडीसह माल ताब्यात घेत ट्रकचालक मुक्तार अब्दुल रहीम पटेल (वय २४, रा. लोहारा, ता. अकोला) याला अटक करण्यात आली होती. गांजाचे तस्कर याच ट्रकला कार (एमएच १८, एजे २५०७)ने पायलटिंग करत होते. पोलिसांना पाहून त्यांनी धूम ठोकली. एमआयडीसी पोलिसांनी पंचनामा केल्यावर बाजारभावानुसार तब्बल ३८ लाख २० हजार ४४० रुपये किमतीचा माल पोलिसांना मिळून आला. सोमवारी (ता. १) आशिक सुलेमान मौला (पटेल) याची माहिती मिळताच निरीक्षक प्रताप शिकारे, उपनिरीक्षक विशाल सोनवणे यांच्यासह पथकाने त्याला सापळा रचून अटक केली. 

‘त्या’ कारचा शोध सुरूच 
गांजा वाहून नेणाऱ्या ट्रकला पायलट म्हणून पुढे चालणारी कार (एमएच १८, एजे २५०७)मध्ये अरमान चिंधा पटेल, आशिक मौला-पटेल, शेख आसिफ शेख मुनाफ असे तीन तस्कर होते. या तिघांपैकी एकालाच अटक झाली असून, उर्वरित दोघांसह त्या कारचा शोध एमआयडीसी पोलिस घेत आहेत. 
 

संपादन- भूषण श्रीखंडे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IND vs NZ, 1st Test, 3rd Day: केएल राहुल शतकाच्या उंबरठ्यावर, पडिक्कलचेही अर्धशतक; लंचब्रेकपर्यंत काय घडलं?

IND vs PAK: भारत-पाकिस्तान सामना रंगणार, वैभव सूर्यवंशी मैदानात उतरणार; सामना कधी, कुठे, किती वाजता अन् Live कुठे पाहता येणार?

Tilak Varma Century: तिलक वर्माचा नेपाळवर तुफानी हल्ला! ११३ चेंडूंत ठोकलं बाहुबली शतक, चौकार-षटकारांच्या आतषबाजीने गोलंदाजांची दाणादाण

Rekha Konde: ठाकरे गटाच्या पदाधिकारी रेखा कोंडे यांना पुण्यात मारहाण; आरती मारणे-पवार यांची बदनामी केल्याचा आरोप

Solapur University : सोलापूर विद्यापीठाशी संलग्न सर्व महाविद्यालयांतील मुलींना तीन महिन्यांचे मोफत कराटे प्रशिक्षण; सत्र परीक्षेनंतर प्रशिक्षणाला सुरुवात

SCROLL FOR NEXT