जळगाव : आईला भेटून पुन्हा जळगाव घराकडे परतणाऱ्या बांधकाम ठेकेदार विलास बंडू सोनवणे (वय 55) मूळ रा. कानसवाडी ता.जि.जळगाव, ह.मु. रामानंदनगर याच्या दुचाकीला अज्ञात वाहनाने धडक दिली. यात त्यांचा जागीच मृत्यू झाल्याची घटना सकाळी पावणेनऊच्या सुमारास हॉटेल गौरवजवळ घडली आहे.
कानसवाडी (ता. जळगाव) येथे विलास सोनवणे यांची आई राहते. आईला भेटण्यासाठी ते गेले हेाते. आई व गावातील इतर परिचयातील लोकांची भेट घेत निरोप घेवून ते पहाटेच कानसवाडी येथून निघाले होते. नशिराबाद येथे कामाच्या ठिकाणी जावून येथून काम आटोपून जळगावला येत असताना शहराजवळील हॉटेल गौरव जवळ समोरून येणाऱ्या अज्ञात वाहनाने जोरदार धडक दिली. यात त्यांच्या डोक्याला गंभीर दुखापत झाल्याने त्यांचा जागीच मृत्यू झाला. मयत विकास सोनवणे यांच्या पश्चात दोन मुले, एक मुलगी आणि पत्नी, भाऊ असा परिवार आहे. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.
आईला काही क्षणात मुलाचा निरोप
आईची भेट घेवून निघालेल्या विलास सोनवणे यांचा अपघाती मृत्यू झाला. तिकडे मुलगा भेटून गेला म्हणून आनंदात होती. घरून निघालेल्या मुलाच्या मृत्यूचा निरोप अवघ्या काही तासात मिळाल्याने आईला धक्काच बसला. निरोप एकून विलास यांच्या आईने एकच हंबरडा फोडला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.