जळगाव : जिल्ह्यात नवीन कोरोना बाधितांचा आकडा येत असला तरी तुलनेत ही संख्या कमी येत आहे. हिवाळ्यात कोरोनाची दुसरी लाट येणार असल्याचे बोलले जात होते. परंतु, दिवाळीनंतर देखील अद्यापपर्यंत जिल्ह्यातील आकडा शंभरच्यावर पोहचला नाही. यामुळे जिल्ह्यासाठी दिलासादायक चित्र आहे. आज देखील ४० नवे बाधित रूग्ण आढळून आले आहेत.
जिल्हा प्रशासनाने पाठविलेल्या कोरोना अहवालात आज ४० रूग्ण कोरोना बाधित असल्याचे आढळून आले आहे. तर ६३ रूग्णांनी कोरोनावर मात केली आहे. मात्र सलग दुसऱ्या दिवशी एका देखील रूग्णाचा मृत्यू झालेला नाही. आज प्राप्त अहवालानुसार ४० नवीन बाधितांच्या आकड्यानंतर जिल्ह्यात एकुण ५४ हजार ८३८ बाधित रूग्ण आढळून आले आहे. त्यापैकी ४५१ रूग्ण कोरोना रूग्णालयात उपचार घेत आहे तर ५३ हजार ८२ रूग्णांनी कोरोनावर मात केली आहे.
असे आढळले रूग्ण
जळगाव शहर २२, जळगाव ग्रामीण १, भुसावळ २, चोपडा २, यावल २, जामनेर ३, चाळीसगाव ५, मुक्ताईनगर १, आणि इतर जिल्ह्यातील २ असे एकुण ४० रूग्ण बाधित आढळले आहे. तर अमळनेर, पाचोरा, भडगाव, धरणगाव, एरंडोल, रावेर, पारोळा, बोदवड तालुक्यांमध्ये एक देखील रूग्ण आढळून आला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.