रावेर (जळगाव) : आईला अपशब्द बोलण्याच्या कारणावरून संतप्त (Crime news) झालेल्या मुलाने त्या इसमाचा तलवारीने डोक्यात वार करून जिवेठार मारल्याची घटना शहरातील संभाजीनगरात घडली. याबाबत रावेर पोलीस ठाण्यात नोंद करण्यात आली आहे. सदर संशयितास पोलीसांनी अटक केली असून, त्यास येथील न्यायालयासमोर (Jalgaon court) नेले असता त्‍यास तीन दिवसांची पोलीस कोठडी ठोठावली. (jalgaon-crime-raver-late-night-sword-struck-his-head)

रावेर शहरातील संभाजीनगर भागात वास्‍तव्‍यास असलेले राजू देवराम चौधरी (वय ५५) हे पुष्पाबाई मराठे यांना अपशब्द बोलले. अपशब्‍द बोलण्याच्या कारणावरून पुष्पाबाई यांचा मुलगा रविंद्र संतोष मराठे याने रागाच्या भरात तलवारीने राजू चौधरी यांच्या डोक्यावर तलवारीने वार करत गंभीर जखमी केले. सदर घटना सोमवारी (ता.१३) रात्री उशिरा घडली.

उपचारादरम्‍यान मृत्‍यू

जखमीला जळगाव येथे खासगी रूग्णालयात उपचारार्थ दाखल करण्यात आले. उपचार सुरू असतांना राजु चौधरी यांचे आज निधन झाले. घटनास्थळी उपविभागीय पोलीस अधिकारी नरेंद्र पिंगळे, पोलीस निरीक्षक रामदास वाकोडे, सहाय्यक पोलीस निरीक्षक शितलकुमार नाईक, फौजदार मनोज वाघमारे, मनोहर जाधव, अनिस शेख यांनी घटनास्थळी दाखल झाले. या भागात बंदोबस्त ठेवण्यात आला आहे.

तीन दिवसाची पोलिस कोठडी

मयताचा भाऊ गणेश चौधरीच्या फिर्यादीवरून रावेर पोलीसात संशयित संतोष मराठे यांच्या विरोधात खुनाचा गुन्हा दाखल करण्यात आला आहे. पोलीसांनी त्यास अटक केली आहे. त्यास येथील न्यायालयासमोर उभे केले असता न्यायालयाने तिन दिवसाची पोलीस कोठडी दिली आहे. सहाय्यक पोलीस निरीक्षक शितलकुमार नाईक पुढील तपास करीत आहेत.

पुतण्याचा आज होता साखरपुडा

सदर घटनेत मृत झालेले राजू देवराम चौधरी यांचा लहान भाऊ मधुकर चौधरी यांचा मुलगा भोलानाथचा आज (ता. १५) साखरपुडा होता. भोलानाथ केंद्रीय औद्योगिक सुरक्षा बलात नोकरीला आहे. मात्र साखरपुड्याच्‍या आदल्या रात्रीच ही घटना घडली.