जळगाव : जिल्ह्यात कोरोना (Corna) संसर्ग नियंत्रणात असताना बहुतांश तालुक्यांमधील सक्रिय रुग्णांची संख्या दहाच्या आत आली आहे. त्यामुळे हे तालुके कोरोनामुक्तीच्या (corona free) दिशेने वाटचाल करीत आहेत. गुरुवारी जिल्ह्यात नवे नऊ बाधित आढळून आले, तर ११ रुग्ण बरे झाले.

(jalgaon district corona free going to taluka)

जळगाव जिल्ह्यात शुक्रवारी चार हजार ३७९ चाचण्यांचे अहवाल प्राप्त झाले. त्यापैकी चोपडा तालुक्यात चार, भुसावळ एक, चाळीसगाव तालुक्यात चार, असे नऊ नवे रुग्ण आढळून आले, तर ११ रुग्णांनी कोरोनावर मात केली. जिल्ह्यातील एकूण रुग्णसंख्या एक लाख ४२ हजार ५८८ झाली असून, बरे होणाऱ्यांचा आकडा एक लाख ३९ हजार ९३० वर पोचला आहे. बरे होणाऱ्यांचे प्रमाण ९८.१४ टक्के आहे.

तिन तालुक्यात एकही रुग्ण नाही
जिल्ह्यातील जळगाव शहर व चाळीसगाव तालुकावगळता अन्य १४ तालुक्यांमध्ये सक्रिय रुग्णांची संख्या एकअंकी म्हणजे दहापेक्षा कमी आहे. पैकी एरंडोल, रावेर व मुक्ताईनगर तालुक्यात सद्य:स्थितीत एकही सक्रिय रुग्ण नाही.