जळगाव ःकेंद्र शासनाच्या (Central government) डॉ. शामाप्रसाद मुखर्जी (Dr. Shamaprasad Mukherjee) राष्ट्रीय रुरबन (Rurban scheme) अंतर्गत हरताळा (ता.मुक्ताईनगर) गावसमुह, पातोंडा (ता.चाळीसगाव) गावसमुह व ऐणगाव (ता.बोदवड) गावसमुहाची निवड करण्यात आली. या समूहातील गावांमध्ये शहराप्रमाणे पायाभूत सुविधा पुरविणे, कृषी व कृषीशी संलग्न असणाऱ्या क्षेत्रांना विशेष प्राधान्य देण्यासाठी यंत्रणांनी कामे सुचवून ती तातडीने सुरू करावी. ही कामे सुरू करताना काही अडचणी असल्यास संबंधित विभागाशी समन्वय साधून अडचणी दूर कराव्या. या कामांची नोंद करुन त्यांचे जिओ टॅगींग करावे, अशा सूचना जिल्हाधिकारी अभिजीत राऊत (Collector Abhijeet Raut) यांनी आज येथे दिल्या.
(jalgaon district three village selection rurban scheme)

राष्ट्रीय रुरबन मिशन नियामक समितीची बैठक जिल्हाधिकारी अभिजित राऊत यांच्या अध्यक्षतेखाली झाली. यावेळी त्यांनी वरील आदेश दिलेत. ते म्हणाले, की केंद्र शासनाच्या डॉ. शामाप्रसाद मुखर्जी राष्ट्रीय रुरबन अभियान अंतर्गत जिल्ह्यात सुरू असलेल्या विविध कामांना गती देण्याबरोबर अद्याप जी कामे सुरू व्हावयाची आहेत ती कामे सर्व संबंधित यंत्रणांनी तातडीने सुरू करावी.

जिल्हा परिषदेचे मुख्य कार्यकारी अधिकारी डॉ.. पंकज आशिया, राष्ट्रीय महामार्ग प्राधिकरणाचे प्रकल्प संचालक सी.एम.सिन्हा, जिल्हा नियोजन अधिकारी प्रतापराव पाटील, समितीचे सदस्य सचिव तथा जिल्हा ग्रामीण विकास यंत्रणेचे प्रकल्प संचालक दिगंबर लोखंडे, मुक्ताईनगर, बोदवड, चाळीसगाव पंचायत समितीचे गटविकास अधिकारी आदी उपस्थित होते.

३४२ कोटींची कामे होणार
या अभियानांतर्गत हरताळा गाव समूहातील सहा गावांमध्ये ३४२.९६ कोटी रुपयांच्या ३१० कामांची नोंद करावयाची आहे. त्यापैकी २०१ कामांची नोंद केली आहे. तर १९३ कामांचे जिओ टॅगिग करण्यात आले आहे. पातोंडा गाव समूहातील चार गावांमध्ये ९७.०३ कोटी रुपयांच्या २१६ कामांची नोंद केली आहे. तर ९५ कामांचे जिओ टॅगिंग करण्यात आले आहे. ऐनगाव गाव समूहातील चौदा गावांमध्ये ७१.५५ कोटी रुपयांच्या १४५ कामांची नोंद करावयाची असून त्यापैकी ४६ कामांची नोंद केली असल्याची माहिती सदस्य सचिव लोखंडे यांनी बैठकीत दिली.