जळगाव : एकनाथ खडसे (Eknath Khadse) महाविकास आघाडीचे घटक आहेत, त्यामुळे त्यांच्या सांगण्यावरुन मुक्ताईनगर नगरसेवकांना शिवसेनेत प्रवेश देण्यात आला. अशी माहिती राज्याचे पाणी पुरवठा मंत्री शिवसेना (Shiv Sena) नेते गुलाबराव पाटील (Minister Gulabrao Patil) यांनी दिली.

(eknath Khadse advice of muktainagar bjp corporator shiv sena join)

पाणीपुरवठा तथा पालकमंत्री गुलाबराव पाटील यांनी मुक्ताईनगर भागातील वादळग्रस्त भागातील नुकसानीचा पाहणी दौरा केला. यावेळी माध्यमांशी बोलतांना म्हणाले, की एकनाथ खडसे यांच्या सांगण्यावरून मुक्ताईनगर येथील नगरसेवकांना शिवसेनेत प्रवेश दिला आहे.

खडसे महाविकास आघाडीचे घटक

एकनाथराव खडसे हे महाविकास आघाडीचे घटक आहेत त्यामुळे ते नाराज नाही. जळगाव महापालिकेत 29 भाजप नगरसेवकांनी शिवसेनेत प्रवेश केला तोच फॉर्म्युला आम्ही मुक्ताईनगर येथे राबविला आहे.