जळगाव : जिल्ह्यात कोरोना संसर्गात ऑक्टोबर महिना दिलासादायक गेल्यानंतर नोव्हेंबरच्या पहिल्या आठवड्यातही चांगले परिणाम दिसून येत आहे. बरे होणाऱ्यांची संख्या नव्या बाधितांपेक्षा अधिक आढळून येत असल्याच्या मालिकेत आजही सातत्य होते. तर सलग तिसऱ्या दिवशी जिल्ह्यात एकाही रुग्णाचा बळी गेला नाही.

आवश्य वाचा- शिवसेनेचे चंद्रकांत पाटीलांना खुले आव्हान; जळगावातील भाजपचे पाच नगरसेवकांचे आगोदर राजीनामे घ्या, मग मंत्री ठाकूरांचा राजीनामा मागा ! 

जळगाव जिल्ह्यात दोन महिन्यांपासून कोरोनाचा संसर्ग नियंत्रणात येत असल्याचे चित्र दिसत आहे. बुधवारी अवघे ३० रुग्ण आढळल्यानंतर गुरुवारी त्यात पुन्हा वाढ होऊन नव्या बाधितांची संख्या ६० नोंदली गेली. त्यामुळे एकूण रुग्णसंख्या ५३ हजार ४२१ झाली आहे. तर दिवसभरात ७४ रुग्ण बरेही झाले. बरे झालेल्यांचा आकडाही ५१ हजार ५०४वर पोचला आहे. बळींचा आकडा चार दिवसांपासून १२६९वर कायम आहे. 

असे आढळले रुग्ण 
जळगाव शहर १२, जळगाव ग्रामीण ४, भुसावळ १४, अमळनेर ३, चोपडा ७, पाचोरा १, भडगाव १, यावल २, जामनेर १, रावेर ७, चाळीसगाव ७, मुक्ताईनगर २.

संपादन- भूषण श्रीखंडे