जामनेर : गारखेडा बुद्रुक (ता. जामनेर) येथील एका घराला (hoom) मंगळवारी (ता. ११) पहाटे साडेतीनच्या सुमारास भीषण आग (fire)लागली. या आगीत साखरझोपेत असलेल्या पती-पत्नीचा (Husband-wife) होरपळून संशयास्पद मृत्यू (Burning death) झाला. या हृदयद्रावक दुर्घटनेमुळे गारखेडा परिसरात हळहळ व्यक्त होत आहे. उत्तम श्रावण चौधरी (वय ४५) व वैशाली उत्तम चौधरी (वय ४०) असे मृत दाम्पत्याची नावे आहेत. ( wire short circuit fire house husband wife died )

चौधरी दाम्पत्य घरात झोपलेले असताना अचानक शॉर्टसर्किट झाल्याचे व त्यामुळे घराला भीषण आग लागल्याचे सांगण्यात येत आहे. ही आग हळूहळू सर्व घरात पसरली अन् संसारोपयोगी वस्तूंसह संपूर्ण साहित्य जळून खाक झाले. उत्तम चौधरी यांचे गावातीलच जुने घर पडक्या स्थितीत असल्याने भाडे तत्वावर घेतलेल्या खोलीमध्ये तात्पुरत्या स्वरूपात हे दाम्पत्य व त्यांचा मुलगा राहात होते. धूर व आग लागल्याचे बघून शेजाऱ्यांसह ग्रामस्थांनी घटनास्थळी धाव घेतली. एकीकडे आग विझविण्याचा व दुसरीकडे दरवाजा उघडण्याचा प्रयत्न सुरू ठेवला. मात्र, आतून बंद असल्याने घरात प्रवेश करण्यास मोठी अडचण निर्माण झाली होती. अखेर ग्रामस्थांनी दरवाजा तोडला असता समोरील वेदनादायी चित्र पाहून सर्वांचेच मन हेलावले. चौधरी यांना एक मुलगी व एक मुलगा आहे. ते जुन्या घरात झोपले असल्याने त्यांचे प्राण सुदैवाने वाचले.

दुर्घटनेची माहिती मिळताच पोलिस घटनास्थळी पोहचले. त्यात पोलिस निरीक्षक प्रतापराव इंगळे, सहाय्यक पोलिस निरीक्षक राजेश काळे, विलास चव्हाण, तुषार पाटील, हंसराज वाघ, सरपंच अशोक पाटील, तलाठी मीनाक्षी पंढागळे व ग्रामसेवक यांनी पंचनामा केला. या प्रकरणी सध्या तरी अकस्मात मृत्यूची नोंद करण्यात आली आहे. पोलिस कर्मचारी विलास चव्हाण तपास करत आहेत.