पारोळा : शहरातील हवलदार मोहल्ला परिसरात कंमरेपासून भाग तुटलेल्या अवस्थेत एक नवजात अर्भक (Newborn) मृत (Death) स्थितीत आढळून आल्याने शहरात खळबळ उडाली आहे. हि घटना दिनांक ६ रोजी सकाळी १० वाजता उघडकीस आली. घटनास्थळी पोलीसांनी (Parola Paolice) धाव घेतली असून पंचनामा केला आहे.

या बाबत माहिती अशी की, शहरातील हवलदार मोहल्ला परिसरात राहणारे इबा शेख यांच्या घरातील महिला सकाळी १० वाजता कपडे टाकण्यासाठी छतावर गेले असता त्यांना कंमरेपासून पाय नसलेला स्थितीत एका नवजात अर्भकाचा मृतदेह आढळून आला. या घटनेमुळे पारोळा शहरात खळबळ उडाली आहे.

नेमके ह्या बालकाच्या पालकांचा थांग पत्ता लागलेला नसला तरी घराच्या छतावर त्याला कुणी आणून टाकले ? कमरे खालचे शरीर छतावर आणून टाकण्यापुर्वी तुटलेले होते की छतावर कुत्र्यांनी त्याचे लचके तोडले ? काहीही झाले तरी अश्या परिस्थितीत या नवजात अर्भकाला अशा विचित्र पध्दतीने छतावर टाकून देणारे निर्दयी लोक कोण असावेत ? या बालकाचा जन्म विवाह बाह्य संबंधातून झालेला असला तरी त्याचे शरीर असे तुटलेल्या अवस्थेत समोर दिसते आहे. मात्र हे घडले कसे ? अश्या प्रश्नांची मालिका सर्वांनाच अस्वस्थ करणारी ठरली असून शहरात या बाबत तर्कवितर्क लढविले जात आहे