शेंदुर्णी (ता. जामनेर) ः पारनेरचे आमदार निलेश लंकेश (MLA Nilesh Lankesh) यांनी पंधराशे बेडचे मोफत कोविड सेंटर (covid center) चालवित आहे. या कोविड सेंटर आयोजकांना जास्त भार होऊ नये म्हणून विविध ठिकाणांवरून मदतीचा (Corona Help)ओघ त्यांना येत आहे. त्यातच जामनेर ( Jamner) सारख्या भागातून तीनशे किलोमीटर अंतरावरून आलेली मदतीचा ट्रक पाहून कोवीड सेंटर चालविणारे भारावून गेले.

(mla nilesh lankesh parner covid center help)

गेल्या दोन वर्षापासून डाॅ.सागर गरुड कोरोना काळात जामनेर व पाचोरा तालुक्यात आरोग्य सेवा पुरवीत आहे. त्याच बरोबर सामाजिक जबाबदारी चे भान ठेवत दोन्ही तालुक्यात अन्नधान्य, कोवाड सेंटर मध्ये मोफत जेवणाचे डबे देखील पुरवीत आहे. आमदार निलेश लंके यांच्या कोविड सेंटर बाबत माहिती मिळाल्यावर डॉ. सागर गरुड यांनी राष्ट्रवादीचे नेते संजय गरुड यांचे सोबत चर्चा करून सागर दादा मित्र मंडळ व जामनेर तालुका राष्ट्रवादी यांचे सहकार्याने या कोविड सेंटरसाठी मदत करण्याचा निर्णय घेतला.

ही मदत पाठविली..

फळे अन्न-धान्य गोळ्या-औषधे, सॅनिटायझर पाठविण्यात आली. त्यात एक क्विंटल चिकू ,एक क्विंटल आंबे, दोन क्विंटल टरबूज, एक क्विंटल केळी, दोन क्विंटल गहू, शंभर किलो तेल, 1000 सॅनिटायझर बॉटल, 1000 मास्क ,50 किलो फरसाण तसेच तीन हजार नग अंडी व इतर साहित्य असलेली गाडी कार्यकर्त्यांसह रवाना करण्यात आली.

आणि कोविड सेंटर चालक भारावले

कोणत्याही गोष्टीचा गाजावाजा न करता कोविंड सेंटरला आलेली एवढी मोठी रसद पाहुन कोविड सेंटर चालविणारे व रुग्ण ही भारावून गेले. वाहनां सोबत कोवाड सेंटरला भैय्या सुर्वे,दत्ता साबळे, सागर कुमावत ,निलेश वाघ, शुभम मोगरे, शेखर बावस्कर, राहुल राजपूत, गणेश पाटील यांनी जाऊन सदर रसद पोहोचविली.