तांदलवाडी : येथील परिसरात कृषिपंपाच्या (Agricultural pump) चोऱ्यांचे (Thefts) प्रमाण दिवसेंदिवस वाढत असून, महिनाभरात तब्बल दहा लाखांच्या केबल (Cable) चोरीला गेल्याचे समोर आले आहे. यामुळे शेतकऱ्यांमध्ये (Farmers) भीतीचे वातावरण असून, चोरट्यांनी थेट पोलिसांना (Police) आव्हान दिले आहे. (tandalwadi village agricultural material thief is stealing)

परिसरात २ जूलैच्या रात्री चोरट्यांनी सावदा पाणीयोजनेच्या पंपगृहाजवळून कृषिपंपाच्या केबल लंपास केल्या. यात तांदलवाडी येथील सुभाष महाजन यांची पाचशे फूट केबल, गोपाल महाजन यांची शंभर फूट, तर विजय हिवराळे (रा. मांगलवाडी) यांची ४५० फूट केबल चोरीला गेली. मार्चमध्ये शेतकरी जगदीश नमायते व गोपाळ महाजन (रा. तांदलवाडी) यांच्या पाचशे फूट, भूषण चौधरी व शांताराम चौधरी यांच्या बाराशे फूट केबल वायर चोरीस गेल्या होत्या. नंतर तीन दिवसांत पुन्हा रात्री नव्याने टाकलेल्या सहाशे फूट वायर चोरीला गेल्या.

महिना होत तोच पून्हा चोरी..

घटनेला महिना होत नाही, तोच शांताराम चौधरी, के. टी. पाटील, दीपक चौधरी, जगदीश नमायते, गोपाळ महाजन (सर्व रा. तांदलवाडी) राहुल हिवराळे व बाळकृष्ण हिवराळे (रा. मांगलवाडी) यांच्या केबल वायर २४ जूनच्या मध्यरात्री चोरीला गेल्या होत्या. सततच्या चोऱ्यांमुळे परिसरातील शेतकऱ्यांना फार मोठा आर्थिक व मानसिक त्रास होत आहे. चोरट्यांना कृषिपंपाच्या केबलमधून तांबे सहज मिळत असल्याने चोऱ्या वाढल्या आहेत. काही शेतकऱ्यांनी वारंवार होणाऱ्या चोऱ्यांना वैतागून कॉपरऐवजी नाइलाजास्तव ॲल्युमिनिअमच्या वायरचा वापर सुरू केला आहे.

पोलिस प्रशासनापुढे आव्हान
शेतकरी सुभाष महाजन यांच्या फिर्यादीवरून निंभोरा पोलिस ठाण्यात गुन्हा दाखल झाला. पोलिस उपनिरीक्षक योगेश शिंदे यांनी घटनास्थळी भेट दिली. वैभव महाजन, अक्षय चौधरी, सुनील महाजन व पोलिस कर्मचारी उपस्थित होते. पोलिस नाईक ईश्वर चव्हाण तपास करीत आहेत. दरम्यान, परिसरात रात्रीची गस्त वाढविण्यात आली आहे. तसेच रात्री वाहनांची तपासणी करण्यात येत आहे.