यावल : तालुक्यातील निमगाव गावाजवळ चारचाकी वाहन आणी दुचाकी वाहनात झालेल्या भीषण अपघातात सहाय्यक फौजदाराचे जेष्ठ बंधु मृत झाल्याची घटना घडली. या घटनेत एक महीला गंभीररित्या जख्मी झाली आहे.
यावल येथील पोलीस स्टेशनला कार्यरत असलेले सहाय्यक फौजदार मुजफ्फर खान समशेर खान पठान यांचे जेष्ठ बंधु ईस्हाक खान समशेर खान (वय 72 रा.आझादनगर, भुसावळ) हे यावल येथे साखरपुडयाच्या कार्यक्रमास सहभाग घेण्यासाठी आपली पत्नी जुलैखा अन्जुम यांच्या सोबत आले होते. साखरपुडयाचा कार्यक्रम आटोपुन ते सोमवारी सायंकाळी 6.30 ते 7 च्या सुमारास भुसावळ येथे आपल्या गावी निघाले.
चारचाकी वाहनाने दिली धडक
भुसावळकडुन येणाऱ्या चारचाकी वाहन क्रमांक (एमएच 03 डीएच5827) या वाहनाने निमगाव जवळ यावल हुन भुसावळकडे जाणाऱ्या दुचाकी क्रमांक ( एमएच 19 एएफ5094 )धडक दिल्याने झालेल्या भिषण अपघातात त्यांचा मृत्यु झाला असुन, त्यांच्या पत्नी जुलैखाबी अन्जुम या अपघातात गंभीर जख्मी झाल्या आहेत. याबाबत येथील पोलीस ठाण्यात मयताचा मुलगा नाजीम खान ईस्हाक खान यांनी फिर्याद दिल्याने अपघाताचा गुन्हा दाखल करण्यात आला असुन पुढील पोलीस निरिक्षक सुधीर पाटील यांच्या मार्गदर्शनाखाली पोलीस उपनिरिक्षक विनोद खांडबहाले हे करीत आहे.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.