Jalgaon News : तीन महिन्यांपूर्वी तालुक्यातील अंतुर्ली येथील अल्पवयीन मुलीला पळवून नेणारा तरुण तिच्या सख्या मावशीचा मुलगा निघाला असून, मारवड पोलिसांनी मुलीच्या जबाबावरून धुळे जिल्ह्यातील चिंचवार येथील तरुणाला बलात्कार आणि पोस्को कायद्यानुसार अटक केली आहे.

अंतुर्ली येथे ३ मार्चला रात्री एका मजूर महिलेची मुलगी झोपली होती. सकाळी सहापूर्वी ती गायब झाल्याने मारवड पोलिसात अपहरणाचा गुन्हा दाखल झाला होता.

सहाय्यक पोलिस निरीक्षक शितलकुमार नाईक यांना मिळालेल्या माहितीवरून संशयित आणि मुलगी धुळे एमआयडीसीत वास्तव्यास असल्याचे समजले. (minor girl Abduction arrested Jalgaon Crime News)

त्यावरून हवालदार संजय पाटील, मुकेश साळुंखे, उज्वल पाटील यांनी संशयित आणि मुलीला ताब्यात घेऊन मारवड पोलिस ठाण्यात आणले.

मुलीला पळवून नेणारा हिरालाल सोमनाथ मोरे (वय २३, रा. चिंचवार, जि. धुळे) मुलीचा मावसभाऊच असल्याचे समजले आणि त्याने ३ मार्चला दुचाकीवरून पळवून नेल्याचे सांगितले. हवालदार रेखा ईशी व मारवड येथील प्रतिष्ठित महिलेच्या समक्ष अल्पवयीन मुलीचा जबाब घेण्यात आला.

तिची वैद्यकीय चाचणी करण्यात आली. तरुणीचा जबाबावरून संशयिताविरुद्ध अपहरणासह भादंवि कलम ३७६ व पोस्को कायद्याचे कलम वाढवून त्याला अटक करण्यात आली. मुलीला महिला बाल सुधारगृहात रवाना करण्यात आले.

हेही वाचा : Credit Card फसवणूक....काय घ्याल काळजी?