जळगाव : शहरातील रामानंदनगर पोलिस ठाण्याच्या हद्दीत वास्तव्यास असलेल्या २५ वर्षीय विवाहितेला पाचशे रुपयांची नोट दाखवत एकाने विनयभंग केल्याची घटना घडली.

पीडितेने दिलेल्या तक्रारीनुसार रविवारी (ता. १५) सकाळी पिंप्राळा हुडको परिसरातून पायी जात असलेल्या एका विवाहितेचा एका भामट्याने रस्ता अडवला. पाचशे रुपयांची नोट दाखवत माझ्या सेाबत चल असे सांगत ऐहमद नूर शेख लतीफ याने पिडीतेच्या मनाला लज्जा उत्पन्न होईल, असे कृत्य केले. पिडीतेने घडला प्रकार कुटुंबीयांना सांगितल्यानंतर याप्रकरणी रामानंदनगर पोलिस ठाण्यात ऐहमद नूर शेख लतीफ (रा. पिंप्राळा, हुडको) यांच्याविरुद्ध विनयभंग केल्याचा गुन्हा दाखल करण्यात आला. तपास पोलिस नाईक सुशील चौधरी करत आहेत.