मुक्ताईनगरः केंद्र सरकार व महाराष्ट्र शासनाच्या जातीच्या सूचीत ‘लेवा पाटीदार’ या नावातील स्पेलिंगमध्ये फरक असल्याने या ओबीसी समाजातील विद्यार्थ्यांना योजनांचा लाभ मिळू शकत नाही, त्यामुळे या स्पेलिंगची दुरुस्ती करण्यात यावी, अशी मागणी खासदार श्रीमती रक्षा खडसे यांनी आज लोकसभेत केली. 

आवश्य वाचा- गट-तट विसरा आणि कामाला लागा; यश निश्चीत मिळेल !
 

लेवा पाटीदार या इंग्रजी शब्दाच्या स्पेलिंगमधील चूक श्रीमती खडसेंनी सभागृहाच्या निदर्शनास आणून दिली. महाराष्ट्र राज्याच्या जातींच्या सूचीत लेवा पाटीदारचा उल्लेख Leva patidar नमूद असून केंद्र सरकारच्या सूचीत Lewa patidar असे स्पेलिंग आहे. त्यामुळे लेवा पाटीदार समाजातील विद्यार्थ्यांच्या जातपडताळणी दाखल्यांमध्ये Leva patidar असे स्पेलिंग असल्याने तो केंद्र सरकारच्या शैक्षणिक संस्थांमध्ये प्रवेशांसाठी अर्ज करतो त्यावेळेस स्पेलिंग तफावतीमुळे विद्यार्थ्याला खुल्या प्रवर्गात समाविष्ट केले जाते. परिणामी, त्यास ओबीसींसाठीच्या योजनांचा लाभ मिळू शकत नाही. 

वाचा- पालकमंत्र्याच्या मतदार संघातील रुग्णालयात वैद्यकीय अधिकाऱ्यांचा वनवा   ​
 

दोन वर्षापासून दुर्लक्ष

रावेर लोकसभा क्षेत्रामध्ये लेवा समाजाच्या नागरिकांची संख्या मोठ्या प्रमाणात आहे. गेल्या दोन वर्षापासून या स्पेलिंगमध्ये बदल करण्यासाठी अनेक सामाजिक संस्थांमार्फत सामाजिक न्याय मंत्रालय व एनसीबीसी कमिशनमध्ये निवेदने दिली आहेत. आजपर्यंत दुरुस्ती झालेली नाही. ती तातडीने करावी आणि केंद्राच्या सूचीत Leva ऐवजी Lewa असा उल्लेख करावा, अशी मागणी त्यांनी केली. 

संपादन- भूषण श्रीखंडे