जळगाव ः शहरात अमृत योजने अंतर्गत भूमीगत गटारींचे काम सुरू असून ठिकठिकाणी चेंबर तयार करण्यात आले आहे. भूमीगत गटारींच्या चेंबरचे काम दर्जाहीन असल्याच्या अनेक तक्रारी व गैरसमज नागरिकांच्या मनात होते. त्यानुसार नागरिकांचे गैरसमज दूर करण्यासाठी आज पासून चेंबरची लोड टेस्ट सुरू करण्याचे काम महापौर सौ. भारती सोनवणे यांच्या उपस्थितीत उपस्थितीत सुरू झाले. टेस्ट मध्ये चेंबरवर १७ टन वजनाचा भार तपासून पाहण्यात आला.

आवश्य वाचा- चांगली बातमी: जळगाव जिल्ह्याच्या विकासासाठी अतिरिक्त १०० कोटी 
 

लोड टेस्टला कानळदा रस्त्यापासून सुरुवात करण्यात आली. यावेळी नगरसेवक कैलास सोनवणे, शहर अभियंता अरविंद भोसले, योगेश बोरोले, भूमीगत गटारीच्या कामाचे मक्तेदार प्रतिनिधी आणि अभियंता उपस्थित होते 

नागरिकांच्या मनात अनेक शंका, संभ्रम
भूमीगत गटारींच्या कामाबाबत जळगावकर नागरिकांच्या मनात अनेक शंका आणि संभ्रम आहे. चेंबरवर पाणी न मारणे, वीट न भिजवता वापरणे, पाणी न मारणे, प्लास्टर न करणे, सिमेंट, वाळू कमी जास्त असणे, चेंबरचे झाकण, रिंग कमकुवत आहे अशा अनेक शंका आणि संभ्रम नागरिकांच्या मनात आहे.

आवश्य वाचा- महिला सदस्यांच्या नशिबी सत्कारही नाही  ​
 

चेंबरने पेलली १७ टन क्षमता
भूमीगत गटारीसाठी गल्लोगल्ली चेंबर तयार करण्यात आले आहे. गल्लीतून शक्यतो अवजड वाहने जात नाही. तरीही चेंबरने १७ टन क्षमतेचा भार पेलला आहे. १७ टन क्षमता म्हण्जेज चेंबरहून ६८ टन वजनाचे वाहन जाऊ शकते. आजपर्यंत १० चेंबरची तपासणी पूर्ण झाली असून दररोज ५ चेंबर तपासले जाणार आहे.