पारोळा (जि. जळगाव) : आडगाव-तरवाडे (ता. पारोळा) येथील विविध कार्यकारी सोसायटीच्या निवडणुकीत राष्ट्रवादी काँग्रेसने (NCP) एकतर्फी विजय प्राप्त करीत राष्ट्रवादीचा झेंडा फडकविला आहे.

या वेळी नूतन संचालकांचा माजी पालकमंत्री डॉ. सतीश पाटील, माजी पंचायत समिती सभापती रेखा पाटील, जिल्हा परिषद सदस्य रोहन पाटील यांनी सत्कार करून अभिनंदन केले. या निवडणुकीत १३ जागांसाठी मतदान प्रक्रिया घेण्यात आली. यात राष्ट्रवादीने भरघोस मतांनी विजय प्राप्त केला. यात विजयी उमेदवार वाल्मिक पाटील, नगराज पाटील, कैलास पाटील, तापीराम चौधरी, संदीप पाटील, भगवान महाजन, भिका पाटील, वसंत राठोड, सुमनबाई माळी, मालूबाई पाटील, कोडजी पाटील, तुळशीराम तायडे, ज्ञानेश्वर चव्‍हाण या विजयी संचालकांचे माजी मंत्री डॉ. सतीश पाटील यांनी अभिनंदन केले. दरम्यान, आडगाव -तरवाडे विविध कार्यकारी सोसायटीवर राष्ट्रवादीचा झेंडा फडकल्याने कार्यकर्त्यांसह ग्रामस्थांनी आनंदोत्सव साजरा केला.