जळगाव : राज्यात (maharashtra)ओमिक्रॉनच्या (omicron)वाढत्या संख्येमुळे कोरोना संसर्गाचा धोका लक्षात घेऊन जळगाव जिल्ह्यातही(jalgaon district) नव्याने निर्बंध जारी करण्यात आले आहेत. रात्री ९ ते सकाळी ६ या वेळेत जमावबंदीचे आदेश लागू करण्यात आले असून जाहीर, सार्वजनिक कार्यक्रमांसाठी नवे दिशानिर्देश देण्यात आले आहेत. जिल्हाधिकारी अभिजित राऊत (collector abhijit raut) यांनी शनिवारी रात्री हे आदेश पारित केले. राज्य सरकारने याबाबत कठोर सूचना दिल्यानंतर जिल्हा प्रशासनाने याबाबत सतर्कतेचा इशाराही दिला आहे.

असे आहेत निर्देश

1. रात्री नऊ ते सकाळी सहापर्यंत पाचपेक्षा अधिक जण एकत्र येण्यास बंदी

2. बंदिस्त जागेत विवाह सोहळ्यासाठी १०० जण तर मोकळ्या जागेतील सोहळ्यात २५० अथवा जागेच्या क्षमतेच्या २५ टक्के उपस्थितीच बंधनकारक.

3. अन्य सामाजिक, राजकीय कार्यक्रमांसाठी बंदिस्त जागेत १०० जण तर मोकळ्या जागेत क्षमतेच्या २५ टक्के उपस्थिती.

4. क्रीडा स्पर्धा, कार्यक्रमांसाठी क्षमतेच्या २५ टक्के उपस्थिती

5. कीर्तन, रथोत्सव, पालखी, कुस्ती, दंगल, यात्रा- जत्रा यासाठी जिल्हाधिकाऱ्यांची पूर्वपरवानगी आवश्‍यक

6. रेस्टॉरंट, जीम, स्पा सेंटर, सिनेमा हॉल याठिकाणी आसन क्षमतेच्या ५० टक्के उपस्थिती

7. अशा सर्व ठिकाणी उपस्थित राहणाऱ्यांनी लशीच्या दोन्ही मात्रा घेतलेल्या असाव्यात, सोबत प्रमाणपत्र बाळगावे

8. कोविडच्या आरटीपीसीआर चाचणीचा निगेटिव्ह रिपोर्ट बाळगणेही बंधनकारक असेल.