जळगाव : कवियत्री बहिणाबाई चौधरी उत्तर महाराष्ट्र विद्यापीठाचा फैजपूर येथे होणारा युवारंग केंद्रीय युवक महोत्सव ११ फेब्रुवारी ऐवजी आता ९ फेब्रुवारीपासून सुरु होणार आहे.

फैजपूर येथील धनाजी नाना महाविद्यालयात २२ वा केंद्रीय युवक महोत्सव होणार आहे. यापूर्वी ११ ते १५ फेब्रुवारी या कालावधीत हा महोत्सव होणार असल्याचे जाहीर करण्यात आले होते.

मात्र आता तारखेत बदल करण्यात आला असून ९ ते १३ या कालावधीत हा महोत्सव याच महाविद्यालयात आयोजित करण्यात आल्याची माहिती विद्यार्थी विकास विभागाचे प्रभारी संचालक प्रा. सुनील कुलकर्णी यांनी दिली. (NMU Youth Festival Yuvarang festival of UMVI held from February 9 Jalgaon News)

मेडिकल मॅनेजमेंटही हृदयविकारावर ठरु शकते उपाय

या महोत्सवाची सविस्तर माहिती विद्यापीठाच्या संकेतस्थळावर देण्यात आली असून संकेतस्थळावरील पोर्टल लॉगीनला क्लिक करुन युवारंग ही लिंक देण्यात आली आहे.

सहभागी होणाऱ्या महाविद्यालयांनी या लिंक वर जाऊन संघाची सविस्तर माहिती ऑनलाईन भरणे अनिवार्य आहे. ३१ जानेवारीपर्यंत ही लिंक उपलब्ध करुन देण्यात आली असून भरलेली माहिती डाऊनलोड करुन तपासून ऑनलाईनव्दारेच संयोजक महाविद्यालयाला पाठवावी असेही आवाहन करण्यात आले आहे.