Jalgaon News: उत्राण (ता. एंरडोल) येथील ३८ वर्षीय महिलेच्या बँक खात्यातून अनोळखी व्यक्तीने एटीएम आणि चेकबुकच्या माध्यमातून तीन लाख १९ हजार ५१६ रुपये परस्पर काढून लुबाडणूक केली.

उत्राण येथील महिलेचे एचडीएफसी बँकेत खाते आहे. सोमवारी (ता. २७) या महिलेने बँकेत जाऊन चेकबुकसंदर्भात विचारणा केली असता बँक मॅनेजरने दिलेल्या माहितीने त्यांच्या पायाखालची वाळू सरकली. (Latest Marathi News)

१ मार्चला महिलेचे चेकबुक आणि एटीएम कार्ड कुरिअरवाल्याने बँकेच्या अकाउंटला लिंक असलेल्या फिर्यादीच्या जुना मोबाईल क्रमांकावर फोन करून पाठवून दिले. त्याचा गैरफायदा घेत अनोळखी व्यक्तीने एटीएमच्या मदतीने २१ ते २४ मार्चदरम्यान बँक खात्यातून परस्पर तीन लाख १९ हजार ५१६ रुपये काढून घेतले. (Marathi Tajya Batmya)

ही बाबत लक्षात आल्यानंतर महिलेने दिलेल्या फिर्यादीवरून कासोदा पोलिस ठाण्यात गुन्हा दाखल झाला. उपनिरीक्षक अमोल गुंजाळ अधिक तपास करीत आहेत.