जळगाव : शहरातील शिवाजीनगर भागातील कंक यांच्या घरापासून क्रांती चौकापर्यंत मंजूर झालेला डांबरी व शेवटच्या गल्लीतील शिंदे यांच्या घरापर्यंतचा मंजूर झालेला कॉंक्रिटच्या रस्त्याचे काम अद्यापही का सुरू होत नाही, असा सवाल नागरिकांकडून उपस्थित होत आहे.

शिवाजीनगरातील कंक यांच्या घरापासून तर क्रांती चौक तेथून पाटील गल्लीतील चौकापर्यंतचा रस्ता अत्यंत खराब झाला आहे. या रस्त्याच्या कामासाठी नागरिकांनी आंदोलनही केले होते. महापौर जयश्री महाजन यांनी पाहणी केली होती, तसेच हा रस्ता लवकरात लवकर पूर्ण करण्यात येईल, अशी ग्वाही दिली होती.

त्यानंतर या रस्त्यासाठी निधीची तरतूद करण्यात आली. त्याच्या निविदाही काढण्यात आल्या, तर याच बरोबर शेवटच्या गल्लीतील कंक यांच्या घरापासून शिंदे यांच्या घरापर्यंत कॉंक्रिकटचा रस्ताही मंजूर करण्यात आला आहे. त्याच्याही निनिदा काढण्यात आल्या.

हेही वाचा: झोप नीट लागायला हवी? मग हे वाचाच

मात्र, अद्यापही त्याच्या कामाबाबत आदेश देण्यात आलेले नाहीत. त्यामुळे नागरिकांमध्ये संताप व्यक्त होत आहे. महापालिकेने या रस्त्याचे काम त्वरित सुरू करावे, अशी मागणीही नागरिकांनी केली आहे.