चोपडा (जि. जळगाव) : शहरातील नगरपालिकेच्या (municipality) मागे राजरोसपणे सुरू असलेल्या दोन जुगार अड्ड्यांवर (Gambling Den) उपविभागीय पोलिस अधिकारी कृषीकेश रावले यांनी छापा (Raid) टाकून आठ लाखांचा मुद्देमाल जप्त केला. (Police raid on gambling dens 8 lakh rupees stuff seized Jalgaon Crime News)

या ठिकणी मांगपत्तीचा डाव खेळणाऱ्या ३३ जणांना ताब्यात घेतले असून या कारवाईमुळे जुगार अड्ड्यांसह अवैध धंदे करणाऱ्यांचे धाबे दणाणले आहे. शहरात सर्रासपणे जुगार अड्डे सुरु असल्याची गुप्त माहिती कृषिकेश रावले यांना मिळाल्यानंतर त्यांनी आपल्या कर्मचाऱ्यांसह अचानक धडक देऊन जुगार अड्डयांवर छापा टाकला. दोन्ही अड्ड्यांवरील ३३ जुगारींना ताब्यात घेऊन जुगाराची साधने, रोख रुपये, मोबाईल हॅन्डसेट व मोटरसायकल असा सुमारे आठ लाख १५ हजार ७६० रुपयांचा मुद्देमाल जप्त करुन ३३ जुगारींवर चोपडा शहर पोलिसांत गुन्हा दखल केला आहे.