जळगाव ः माजी मंत्री एकनाथराव खडसे (Eknathrao Khadse) यांनी भाजपला सोड चिठ्ठी दिल्यानंतर पहिल्यांदाच विरोधी पक्षनेते देवेंद्र फडणवीस (Leader of Opposition Devendra Fadnavis) यांनी नियोजीत मुक्ताईनगर दौऱ्यात सर्वात प्रथम खडसेंचे कोथळी गावातील घरी खासदार रक्षा खडसेंची भेट घेतली. एकनाथ खडसे राष्ट्रवादीत गेल्यानंतर फडणवीस यांची खडसेच्या घरी रक्षा खडसेंची (MP Raksha Khadse) भेट ही महत्वाची मानली जात आहे.

(Devendra Fadnavis visited Eknath Khadse's house)

वादळामूळे मुक्ताईनगर तालुक्यात झालेल्या नुकसानीचे पाहणी करण्यासाठी श्री. फडणवीस आज मुक्ताईनगर व रावेर तालुक्याच्या दौऱ्यावर आले आहे. सकाळी जामनेरवरून थेट मुक्ताईनगरला ते आले. तेथे खासदार रक्षा खडसे यांच्या घरी आले. यावेळी आमदार गिरीश महाजन (MLA Girish Mahajan), अशोक कांडेलकर, राजेंद्र फडके आदी भाजपचे पदाधिकारी व कार्यकर्ते उपस्थित होते. यावेळी श्री फडणवीस यांनी चहा, नाष्टा केला. तर खासदार रक्षा खडसेंचा मुलगा गुरू व मुलगी क्रिषीकाला श्री. फडणवीसांनी आर्शिवाद दिला.

खडसे-फडणवीस मतभेद

वादळामूळे मुक्ताईनगर तालुक्यात झालेल्या नुकसानीचे पाहणी करण्यासाठी श्री. फडणवीस आज मुक्ताईनगर व रावेर तालुक्याच्या दौऱ्यावर आले आहे. सकाळी जामनेरवरून थेट मुक्ताईनगरला ते आले. तेथे खासदार रक्षा खडसे यांच्या घरी आले. यावेळी आमदार गिरीश महाजन, अशोक कांडेलकर, राजेंद्र फडके आदी भाजपचे पदाधिकारी व कार्यकर्ते उपस्थित होते. भाजपची सत्ता राज्यात असतांना श्री. फडणवीस व श्री खडसे यांच्यातील मतभेद सर्वश्रूत आहे. मुख्यमंत्री पदाच्या आशेपोटी श्री खडसेंना अनेक आरोपांचा सामना करावा लागला. त्यांच्यावर झालेल्या आरोपांमुळे त्यांना मंत्रीपदही गमावावे लागले होते. तेव्हापासून श्री खडसे व श्री फडणवीस यांच्यात मतभेद आहे. वेळ मिळेल तेव्हा दोन्ही नेते एकमेकांवर आरोपांची तोफ डागत असतात.

खडसेंनी दिली होती भाजपला सोडचिठ्ठी

दोन वर्षापूर्वी झालेल्या विधानसभा निवडणूकीनंतर श्री खडसे यांनी भाजपमध्ये योग्य सन्मान न मिळाल्याचे कारण सांगत भाजपला सोडचिठ्ठी दिली होती. नंतर त्यांनी राष्ट्रवादी काँग्रेसमध्ये प्रवेश केला आहे. तर त्यांच्या सुन खासदार रक्षा खडसे या भाजपमध्येच आहेतं,

भेटीची सर्वत्र चर्चा

आजच्या वादळी नुकसान पाहणी दौऱ्यावेळी श्री फडणवीस यांनी खडसेंच्या कोथळी येथील निवासस्थानी भेट दिल्याने अनेकांच्या भुवया उंचावल्या आहेत. या भेटीची राजकीय क्षेत्रात विविध प्रकारच्या चर्चेला उधान आले होते. यानंतर श्री फडणवीस वादळ्याच्या नुकसान पाहणीसाठी गेले आहेत.