जळगाव : राज्याचे सामाजिक न्यायमंत्री धनंजय मुंडे (Dhananjay Munde) यांनी स्वत: जाहीर केले आहे, की मला ‘ती’ दोन अपत्य आहेत, आमची कायदेशीर लढाई सुरू आहे. मला तरी वाटते, की ते निर्दोष आहेत, याप्रकरणी निश्चितच राजकारण केले जात आहे. असे मत राज्याचे पाणीपुरवठा व स्वच्छतामंत्री तसेच शिवसेनेचे नेते गुलाबराव पाटील (Gulabrao Patil) यांनी जळगाव येथे पत्रकारांशी बोलताना व्यक्त केले.
आवश्य वाचा- एकटा रडत बसलेला पाहून प्रवाशांना आली शंका; पोलीस आले आणि लावला शोध !
जळगाव जिल्हा शासकीय वैद्यकीय महाविद्यालयात शनिवारी ‘कोविड’ प्रतिबंधक लसीकरणाचा प्रारंभ पालकमंत्री गुलाबराव पाटील यांच्या उपस्थितीत झाला. यानंतर पत्रकारांशी बोलताना ते म्हणाले, की धनंजय मुंडे यांची राजकारणात तीस वर्षांची तपस्या आहे, त्यांनी आपल्या बाबतीत काहीही न लपवता जाहीर केले आहे. त्यांनी स्वत: सर्व माहिती दिली आहे. जर एखादा माणूस सर्व माहिती देत असेल, तर तुम्ही त्याला चोर ठरविणार काय? आणि जर मुंडे यांना लपवायचेच असते, तर त्यांनी स्वत: वक्तव्य करून जनतेला माहिती दिलीच नसती. तसेच न्यायालयातही त्यांची लढाई सुरू आहे.
विनाकारण राजकारण नको
त्यामुळे मुंडे यांच्यावर विनाकारण आरोप करून त्यांची तीस वर्षांची राजकीय तपस्या उद्ध्वस्त करण्याचा कुणी प्रयत्न करीत असेल, तर ती चूक आहे. विनाकारण कोणाचाही बळी घ्यायचा, हे बरोबर नाही.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.