मुक्ताईनगर : 'कट्टपा ने बाहुबली को क्यो मारा' क्योकी बाहुबली आगे आता तो उस्को बाहर जाना पडता म्हणत आपल्या गाजलेल्या वक्तव्याचे पुनरुच्चार जलसंपदा मंत्री जयंत पाटील यांनी मुक्ताईनगरातील राष्ट्रवादीचा जनसंवाद यात्रेत दिला. 

आवर्जून वाचा- सर्वच पक्षांना धक्‍का..बावीस वर्षीय तरूणाने स्‍वतः पॅनल तयार करत ग्रामपंचायत घेतली ताब्‍यात 
 

मुक्ताईनर येथे जनसंवाद यात्रेचा कार्यक्रम रात्री उशीरा झाला. यावेळी याप्रसंगी जयंतराव पाटील, एकनाथराव खडसे , रोहिणी खडसे रूपालीताई चाकणकर ,सक्सेना सलगर, माजी मंत्री गुलाबराव पाटील, आमदार अनिल भाईदास पाटील, माजी आमदार संतोष चौधरी , राष्ट्रवादीचे जिल्हाध्यक्ष एडवोकेट रवींद्र पाटील, माजी आमदार अरुण पाटील, विनोद तराळ, बोदवड कृषी उत्पन्न बाजार समितीचे सभापती निवृत्ती पाटील, तालुका अध्यक्ष यु. डी. पाटील, मुरलीधर तायडे, मेहबूब शेख, राजेश वानखेडे, माजी आमदार मनीष जैन यांच्यासह असंख्य कार्यकर्ते पदाधिकारी उपस्थित होते.

पाच वर्षाचा बॅकलाॅग भरून काढू- पाटील
कुऱ्हा वडोदा उपसा बोदवड आणि मुक्ताई उपसाचा आढावा घेऊन या योजनांची कामे प्राधान्याने व तात्काळ केले जातील. तसेच लवकरच मेगा रिचार्ज ला चालना देऊ मागील ५ वर्षाचे बॅकलॉग भरून काढू असे आश्वासन त्यांनी दिले.

आवश्य वाचा- जयंत पाटीलांनी स्व.हरिभाऊ जावळेंच्या कुटुंबियांची घेतली सांत्वनपर भेट 
 

गद्दारांची फौज आता बाहेर आली आहे- खडसे

माजी मंत्री खडसे यांनी आपल्या भाषणात  गद्दारांची फौज आता बाहेर आली आहे. त्यांना आता धडा शीकविण्याची वेळ आली आहे, असे सांगत यांनीच रोहिणी खडसे यांना पाडले. त्या साठी पैसा ही पुरविला. मी पक्ष सोडला नाही तुम्हीच सोडण्यास भाग पाडले. ज्याना बोट धरून पुढे आणले मोठे केले ते आज गद्दार झाले. जे बापाला झाले नाही ते तुम्हाला काय होणार म्हणत खडसे यांनी भाजपातील आपल्या विरोधकांचा समाचार घेतला. पवार साहेबांनी नाथाभाऊंचे राजकीय पुनर्जज्जीवन केले. राष्ट्रवादी पक्ष वाढविण्याची जवाबदारी आपल्या वर आली असल्याचे त्यांनी सांगितले.

पाण्यापासून नागरिकांना वंचित ठेवले- रोहिणी खडसे
एकनाथराव खडसेचा मतदार संघ असल्याने च मतदार संघातील उपसा सिंचन योजना मुद्दाम रखडून ठेवली. आणि जनतेला पाण्या पासून वंचित ठेवले असल्याचा आरोप रोहिणी खडसे यांनी आपल्या भाषणात बोलतांना सांगितले.

हेही वाचा- महामार्गावरील मनमोहक, निसर्ग सौंदर्य प्रवास अनुभवचायं; तर जाणून घ्या, भारतातील सुंदर १० महामार्गांची माहिती !
 

अनेकांनी राष्ट्रवादीत केला प्रवेश

सभेत मुक्ताईनगर, बोदवड पंचायत समिती सभापती आणि सदस्य  मुक्ताईनगर नगरपंचायत काही सदस्य सावदा नगराध्यक्ष कृषी उत्पन्न बाजार समिती सभापती व संचालक आदींनी राष्ट्रवादी काँग्रेस पक्षात प्रवेश केला. 

संपादन- भूषण श्रीखंडे