अमळनेर (जि. जळगाव) : तालुक्यातील अंतुर्ली परिसरासह रंजाणे, तासखेडा भागात वादळी वाऱ्यासह गारपीट झाली. मांडळ परिसरातही सुमारे अर्धा तास पावसाने हजेरी लावली. गारपीटमुळे बागायती शेतकऱ्यांनी लागवड केलेल्या उन्हाळी कपाशीचे काही प्रमाणात नुकसान होण्याची भीती व्यक्त होत आहे.

अमळनेर शहरात काही वेळ वादळी वाऱ्यासह पाऊस झाला. त्यामुळे बऱ्याच ठिकाणी वीज तारा तुटल्या होत्या. वीजखांब वाकले होते. झाडे उन्मळून पडल्याने वीजपुरवठख खंडित झाला आहे. धार रस्त्यावर एका ट्रॅक्टरवर झाड कोसळल्याने ट्रॅक्टरचे नुकसान झाले. दरम्यान, या पावसामुळे उन्हाच्या उकाड्यापासून त्रस्त असलेल्या नागरिकांना दिलासा मिळाला.