Jalgaon News : शहरातील धार्मिक स्थळावर विनापरवाना भोंगे बसविण्यात आले आहेत. त्यांचा आवाजही ५० डेसीबलपेक्षा अधिक असतो.

हे सरळसरळ न्यायालयाच्या आदेशाचे उल्लघंन असल्याने हे भोंगे त्वरीत उतरण्यात यावेत, पाच दिवसात उतरविले नाही, तर ज्या भागात भोंगे आहेत, तेथे हनुमान चालिसा लावण्यात येईल असा इशारा महाराष्ट्र नवनिर्माण सेनेने दिला आहे. ()

मनसेतर्फे जिल्हा पोलिस अधीक्षकांना निवेदन देण्यात आले असून, त्यात, धार्मिक स्थळावर लावण्यात आलेले विनापरवाना भोंगे हटविण्यासाठी पाच दिवसांचा अल्टिमेटम देण्यात आला आहे. धार्मिक स्थळांवरील पहाटे पाचला ते रात्री उशिरापर्यंत सुरू चालणाऱ्या कर्णकर्कश आवाजातील भोंग्यामुळे मुलांच्या अभ्यासावर परिणाम होतो, त्यामुळे मुलांचे शैक्षणिक नुकसान होत असल्याचा आरोप करण्यात आला आहे.

...तर हनुमान चालिसा

शहरातील धार्मिक स्थळावरील भोंग्याचा आवाज पाच दिवसात बंद करण्यात यावे, ते बंद न झाल्यास महाराष्ट्र नवनिर्माण सेनेने ज्या-ज्या ठिकाणी भोंग्याचा आवाज सुरू असेल तेथे हनुमान चालिसा वाजविणार आहे. कायदा सुव्यवस्था बिघडल्यास त्याची प्रशासनाची जबाबदारी असले. असाही इशारा मनसेचे महानगराध्यक्ष विनोद शिंदे, आशिष सपकाळे, राजेंद्र निकम ,श्रीकृष्ण मेंगळे, हरिओम सूर्यवंशी, गणेश नेरकर, योगेश पाटील, साजन पाटील आदींनी दिला आहे.