जळगाव : शहरासह जिल्ह्यात कोरोनाबाधितांची संख्या दिवसेंदिवस वाढत आहे. यामुळे शाळा बंद ठेवण्याबाबत जिल्हाधिकारी अभिजित राऊत आज निर्णय घेणार आहेत. जिल्हा माध्यमिक शिक्षणाधिकारी बी. एस. पाटील यांनी ही माहिती दिली. दरम्यान, काही खासगी शाळांनी दक्षता म्हणून त्यांच्या स्तरावर बुधवार (ता. २४)पर्यंत शाळा बंद ठेवण्याचा निर्णय घेतला आहे. 

आवर्जून वाचा- नियोजन चुकलेच ! पण उत्तरदायित्य कुणाचे? 

स्थानिक पातळीवर असा निर्णय ते घेऊ शकतात. मात्र, जिल्हाधिकारी जो निर्णय घेतील तो सर्व शाळांवर बंधनकारक असल्याचे सांगण्यात आले. जिल्ह्यात सलग दोन-तीन दिवसांपासून दीडशेच्या वर कोरोनाबाधित रुग्ण आढळून येत आहेत. यापूर्वी कोरोना रुग्णांची संख्या कमी झाल्याने शाळा, महाविद्यालये बंद करण्यात आली होती. अनलॉकनंतर सर्व शाळा पहिली ते पाचवी वगळता अंतराअंतराने सुरू झाल्या होत्या.

आवश्य वाचा- भारतातील अशी टेकड़ी जिथे बंद कार खाली नव्हे तर वर चढ़ते..काय आहे रहस्य
 

शाळेत पालकांच्या संमतीपत्राशिवाय विद्यार्थ्यांना येऊ दिले जात नव्हते. सोबतच सॅनिटायझर, मास्क लावणे आवश्‍यक केले होते. दक्षता म्हणून काही पालकांनी विद्यार्थ्यांना शाळेत पाठविले नव्हते. अगोदर दिवसाआड शाळा, महाविद्यालये सुरू करण्यात आली होती. १५ फेब्रुवारीपासूनच सर्वच महाविद्यालये सुरू झाली. मात्र, त्यानंतर कोरोना रुग्ण वाढतच आहेत. संसर्ग कमी होण्यासाठी शाळा बंद करायच्या किंवा कशा पद्धतीने शाळा घ्यावयाच्या याबाबतचा निर्णय आज बैठकीत घेण्यात येणार आहे. 

संपादन- भूषण श्रीखंडे