तोंडापूर: जगप्रसिद्ध अजिंठा लेणीच्या सत्पकुंड धबधबा जवळ सेल्फी काढतांना जळगाव येथील तरूण आज दि १६ रोजी दुपारी ४ च्या सुमारास पडला असता पुरातत्त्व खात्त्याच्या कर्मचारी व अजिंठा लेणी सुरक्षा संरक्षक पोलीस यांच्या प्रयत्नामुळे जिवदान मिळाले आहे.

जळगाव येथील सिव्हिल दवाखान्यातील वैद्यकीय शासकीय महाविद्यालय जळगाव येथील २५ मुले व मुली अजिंठा लेणी पाहण्यासाठी आले असता निसर्गरम्य वातावरणचा मोह न आवरल्यामुळे लेणीतील सप्तकुंड धबधबावर फोटो काढताना सेल्फीच्या नादात पाय सटकुन देवांशु राजेश मोर्ये वय २१ हा पहिल्या डोहात पडला असता, मित्रांनी आराडा ओऱड केल्याने फर्दापुर येथील दैनिक सकाळचे प्रतिनिधी अनिल रावळकर हे घटना स्थळावर हजर असल्याने त्यांनी तात्काळ पुरातत्त्व विभागाचे कर्मचारी व सुरक्षा रक्षक पोलीस कर्मचारी यांना बोलावून घेतले, व त्यांच्या मदतीने दोराच्या साहाय्याने त्याला सुरक्षित वर काढण्यात आले.

देवांशु मोर्ये हा दुसऱ्या वर्षी मेडिकल शिक्षण घेत असून, तो मुळचा पालघर येथील नालासोपारा येथील रहिवाशी आहे. जळगाव येथील सिव्हिलच्या महाविद्यालयात वैद्यकीय शिक्षण घेत आहे. यावेळी सहाय्यक पोलीस निरीक्षक अमोल मोरे उप.पोलिस निरीक्षक युवराज शिंदे व पोलिस कर्मचारी यांच्या शर्यतीचे प्रयत्नामुळे जिवदान मिळाले