निमगूळ : रामी (ता. शिंदखेडा) येथील सरपंच कडूजी रेवजी ठाकरे (वय ७२) दुपारी दोंडाईचा येथून मोटारसायकल (क्रमांक : एम एच १८, बी यू ५३७५) ने बाजार करून आपल्या गावी रामी येथे नंदुरबार रस्त्याने जात असताना रामी महादेव मंदिरासमोर मागून येणाऱ्या ट्रक (क्रमांक : एम एच १८ बी जी ६५५४) ने जोरदार धडक दिली.

त्यात त्यांना डोक्याला जबर मार लागल्यामुळे जागेवरच मृत्यू झाला. ट्रक चालकाने सरपंच यांना चिरडून पळ काढला. नागरिकांनी धावडे गावाच्या पुढे नयन हॉटेल जवळ ट्रकला अडविले. ट्रक चालक फरार झाला. दोंडाईचा पोलिसांनी घटनास्थळी धाव घेत ट्रक ताब्यात घेतला. पोलिसात अपघाती मृत्यूची नोंद करण्यात आली आहे.