पाचोरा (जि. जळगाव) : येथे तुकाराम महाराज बीज (Tukaram Beej 2023) उत्सव समितीच्यावतीने काढण्यात आलेल्या रथ मिरवणुकीसह विविध कार्यक्रमात करण्यात आलेल्या तुकाराम महाराजांच्या जयघोषाने पाचोरा अक्षरशः दुमदुमले. (Tukaram Beej 2023 celebrated in pachora jalgaon news)

कृष्णापुरी भागातील तुकाराम महाराज बीज उत्सव समितीच्यावतीने तुकाराम बीजनिमित्ताने प्रतिमापूजन, महाआरती, रथ मिरवणूक, कीर्तन व महाप्रसाद अशा कार्यक्रमांचे गुरुवारी (ता. ९) आयोजन करण्यात आले.

कृष्णापुरी भागातील विठ्ठल मंदिरात सकाळी प्रतिमापूजन, आरती व तुकोबांचा जयघोष करून रथ मिरवणूक काढण्यात आली. या मिरवणुकीवर अनेक ठिकाणी पुष्पवृष्टी करून पूजन करण्यात आले. तुकाराम महाराजांचा जयघोष करण्यात आला.

हेही वाचा : नेट बँकिंग खात्यात ठेवा कमी रक्कम...जाणून घ्या कारण

विठ्ठल मंदिरातच रथ मिरवणुकीची सांगता झाल्यानंतर गोविंद महाराज यांचे कीर्तन झाले. महाआरती करून महाप्रसादाने सांगता झाली.

याप्रसंगी उत्सव समितीचे अध्यक्ष सुरेश पाटील, आर. के. पाटील, बापू पाटील, रमेश शिंदे, विनोद पाटील, विकास पाटील, राजेंद्र पाटील, सुनील पाटील, संजय पाटील, शोभा पाटील, आबा पाटील, मयूर शेलार, अनिल पाटील, स्वप्नील पाटील आदी उपस्थित होते. या तुकाराम बीज उत्सवात शहरातील भाविकांनी मोठ्या संख्येन उपस्थिती दिली.