Jalgaon Crime News : जळगाव-अजिंठा रेाडवर चक्कर येऊन खाली पडलेल्या दुचाकीस्वारास मदत न करता त्याच्या खिशातून मोबाईल व दुचाकी घेवुन पळ काढणाऱ्या चोरट्याला पोलिसांनी अटक केली आहे. सोमनाथ अहिरे असे चोरट्याचे नाव आहे. (Two wheeler motorcycle thief arrested by police jalgaon crime news)

चिंचोली येथील रहिवासी ग्रामस्थ ईश्वर सुभाष घुगे (वय ४४) हे मंगळवार(ता.१४) रोजी मेहरुण येथील धार्मिक कार्यक्रमासाठी आले होते. कार्यक्रम संपल्यावर आपल्या दुचाकी (एम.एच.१९.सी.बी.४११४) ने चिंचोली येथे घराकडे जात असताना रेमंड चौकात त्यांना अचानक चक्कर येऊन पडले.

त्यांनी तशीच दुचाकी सोडून खालीपडून गेल्याने त्यांना मदत करण्याऐवजी चोरट्याने चक्क खिशातील मोबाईल काढून घेत दुचाकी घेवुन पळ काढला होता. शुद्धीत आल्यावर ईश्वर घुगे यांनी पोलिसांत तक्रार दिल्यावरून गुन्ह्याची नोंद करण्यात आली होती.

शनिवार (ता.२५) रोजी पोलिस निरीक्षक जयपाल हिरे यांना गुप्त बातमीदाराने कळविले की कुसुंबा(ता.जळगाव)येथील सोमनाथ भागवत अहिरे हा मोटारसायकल वापरत असून ती चोरीची असल्याची माहिती दिली.

सहाय्यक फौजदार अतुल वंजारी, गणेश शिरसाळे, अल्ताफ पठाण, किशोर पाटील, योगेश बारी, नाना तायडे यांच्या पथकाने कुसुंबा येथून सोमनाथ अहिरे यास ताब्यात घेतले. खाक्या दाखविताच त्याने गुन्ह्याची कबुली देत मोटारसायकल काढून दिली.