Jalgaon News : शहराची विकासकामे जिथून चालतात, त्या महापालिका प्रशासकीय इमारतीखालीच गोलाणी संकुलात सत्ताधारी शिवसेना कार्यालयासमोर मोठ्या प्रमाणात पाणी साचले.

पदाधिकारी आणि अधिकारी त्या ठिकाणी ये-जा करीत असतात. मात्र, कुणालाही त्याच्या दुरुस्तीची शिफारस करता येत नाही, हे मोठे दुर्दैव आहे. (under municipal administrative building large amount of water accumulated jalgaon news)

महापालिकेची शहरात तब्बल २६ व्यापारी संकुले आहेत. त्यातून मोठ्या प्रमाणात उत्पन्नही महापालिकेला मिळते. मात्र, या संकुलातील सुविधांकडे महापालिकेचे अधिकारी व पदाधिकारी लक्ष देत नाहीत. महापालिका प्रशासकीय सतरा मजली इमारतीलगत असलेल्या गोलाणी संकुलाच्या सुविधांबाबतही महापालिका उदासीन आहे.

शिवसेना कार्यालयाजवळ तळे

महापालिका सतरा मजली इमारतीच्या तळमजल्यावर गोलाणी व्यापारी संकुलात शिवसेना कार्यालय आहे. याच कार्यालयासमोरून प्रशासकीय इमारतीत जाण्यासाठी प्रवेशद्वार आहे.

हेही वाचा : Credit Card फसवणूक....काय घ्याल काळजी?

त्यामुळे या रस्त्यावरून मोठ्या प्रमाणात नागरिक, अधिकारी, शिवसेनेचे (ठाकरे गट) पदाधिकारी व नगरसेवकांची ये-जा सुरू असते. मात्र, या ठिकाणी टाईल्स तुटल्याने मोठे खड्डे पडले आहेत. त्यामुळे पाण्याचे मोठे तळे साचले. आता त्या ठिकाणाहून ये-जा करणेही कठीण झाले आहे.

तातडीने दुरुस्ती होणार का?

महापालिकेत शिवसेनेची सत्ता आहे. त्याच पक्षाच्या कार्यालयाजवळ घाण असेल, तर शहरातील इतर ठिकाणचे काय चित्र असेल, याचा विचार करणे गरजेचे आहे. महापालिकेचे अधिकारीही याच ठिकणाहून जात असतात. त्यांनाही हे दिसत नसेल, तर प्रकार गंभीर आहे. त्यामुळे या ठिकाणची तातडीने दुरुस्ती होणार काय, याकडेच आता नागरिकांचे लक्ष लागले आहे.