कुऱ्हा काकोडा (जि. जळगाव ) : दिवसेंदिवस वाढत चाललेली महागाई, नापिकी व कर्जबाजारीपणा यातून आलेल्या नैराश्यातून कुऱ्हा येथील तरूण शेतकऱ्याने टोकाचे पाऊल उचलून गळफास घेऊन आत्महत्या केली. (young farmer committed suicide because depression caused by inflation indebtedness jalgaon news)

कुऱ्हा (ता. मुक्ताईनगर) येथील वॉर्ड क्रमांक सहामधील रहिवासी असलेले दिनेश रमेश खिरळकर (वय ३६) या तरुण शेतकऱ्याने आपल्या राहत्या घरातच गळफास घेऊन आत्महत्या केली. ही घटना मंगळवारी (ता.२४) सकाळी साडेसहाच्या सुमारास घटना उघडकीस आली.

सततची होत असलेली नापिकी व कर्जबाजारीपणामुळे दिनेश खिरळकर यांनी टोकाचे पाऊल उचलले, असे घटनास्थळी बोलल्या जात होते.

हेही वाचा : प्राप्तिकर उत्पन्न सवलत मर्यादा वाढणार?

मृत दिनेश खिरळकर यांच्या पश्‍चात आई, पत्नी, मुलगा, मुलगी, भाऊ असा परिवार असून, तो घरातील कर्ता पुरुष होता. त्यामुळे मृत शेतकऱ्याचे कुटुंब उघड्यावर आले असून, संबंधितांकडून त्याच्या कुटुंबाला मदत करावी, अशी मागणी होत आहे.