Jalgaon Crime News : शहरातील तुकाराम वाडी येथे दोघांमध्ये सुरू असलेले भांडण सोडवण्यासाठी गेलेल्या तरुणाला तिघांनी शिवीगाळ करत मारहाण केली. (young man who went to settle fight was attacked with knife jalgaon crime news)

त्यापैकी एकाने चाकूने वार करून गंभीर दुखापत केली. शनिवारी (ता.२) रात्री साडेदहाला घडलेल्या प्रकाराबद्दल एमआयडीसी पोलीस ठाण्यात गुन्हा दाखल झाला.

अनिस हमीद शेख (वय ३२, रा. शिरसोली नाका, तांबापुरा भाग) याचा मित्र अरुण गोसावी यांचे तुकाराम वाडीतील काही तरुणांसमवेत भांडण सुरू होते.

त्यावेळी भांडण सोडवण्यासाठी अनिस गेला. त्याचा राग असल्याने संशयित भल्ल्या (पूर्ण नाव माहीत नाही) आणि सोबतच्या अनोळखी तरुणांनी शिवीगाळ व मारहाण केली.

भल्ल्याने चाकूने वार करत अनिसला जखमी केले. अनिसला जळगाव जिल्हा शासकीय वैद्यकीय महाविद्यालयात दाखल केले. पोलीस नाईक सुनील सोनार तपास करत आहेत.