Jalgaon Crime News : येथील तलाठी कॉलनी भागात राहणाऱ्या सैनिकावर शहरातीलच तरुणीने घरी जाऊन कुटुंबीयांसमोर चाकूहल्ला करून जखमी केल्याप्रकरणी तरुणीविरुद्ध तक्रार दाखल करण्यात आला आहे.

जखमी सैनिक नीलेश बोरसे यांची बहीण योगिनी बोरसे यांनी तक्रार दिली, की मी सुट्टीवर घरी आले असता शुक्रवारी (ता. १५) रात्री साडेनऊच्या सुमारास घराबाहेर शिवीगाळ व आरडाओरड ऐकून आम्ही सगळे बाहेर आलो. ( young woman attacked soldier with knife jalgaon news)

तेव्हा साक्षी मनोज नरवाडे ही युवती माझा भाऊ नीलेशकडे पाहून मोठमोठ्याने शिवीगाळ करत होती. माझे वडील तिला समजावण्यासाठी गेले असता तिने वडिलांना लाथ मारली. हा गोंगाट ऐकून परिसरातील लोक जमले. मी तिला समजावण्याचा प्रयत्न केला असता तिने मलाही, तुला मारून टाकेन असे म्हणत धमकावले.

भाऊ नीलेशजवळ जात ‘तू माझ्याशी लग्न कर नाहीतर मी तुला जिवंत सोडणार नाही’, असे दरडावत तिने जवळ असलेला चाकू नीलेशच्या मानेवर, हातावर वार केले.

हेही वाचा : Credit Card फसवणूक....काय घ्याल काळजी?

नीलेश रक्तबंबाळ झाल्याने वडिलांनी पोलिसांना कळवले. पोलिस गाडीचा आवाज ऐकून साक्षी नरवाडे ही पळून गेली.

जखमी नीलेशला प्रथम ग्रामीण रुग्णालयात व नंतर विघ्नहर्ता मल्टी स्पेशालिटी हॉस्पिटलमध्ये उपचारार्थ दाखल केले असून, त्याच्यावर उपचार सुरू आहेत. या तक्रारीवरून पोलिसांनी साक्षी नरवाडेविरुद्ध गुन्हा दाखल केला आहे. प्रेमप्रकरणातून हा प्रकार घडला असल्याची चर्चा कानी पडली.