Jalgaon Crime : तालुक्यातील चितोडा येथील २३ वर्षीय युवकास, दोन महिलांसह पाच जणांनी चापटा बुक्क्यांनी मारहाण करत व गावातून निघून जा, अशी धमकी दिल्याने युवकाने घाबरून जाऊन यावल शेतशिवारातील विहिरीत उडी मारून आत्महत्या केल्याची फिर्याद मृत युवकाच्या वडिलांनी येथील पोलिस ठाण्यात दिल्यावरून दोन महिलांसह पाच जणांविरुद्ध आत्महत्येस प्रवृत्त केल्याचे कारणावरून गुन्हा दाखल करण्यात आला आहे. (Youth commits suicide due to threat case registered against 5 people including 2 women Jalgaon Crime)

तालुक्यातील चितोडा येथील दुर्गेश संतोष किनगे (वय २३) यास गावातील दोन महिलांसह भास्कर आनंदा जंगले, भूषण भास्कर जंगले, ज्ञानेश्वर भास्कर जंगले यांनी गुरुवारी सकाळी नऊच्या सुमारास संतोष यास चापटाबुक्क्यांनी मारहाण करत गावातून निघून जा, अशी धमकी दिल्याने युवकाने घाबरून जात येथील एका शेतातील विहिरीत उडी मारून आत्महत्या केली.

प्रथम गुरुवारी दुपारी पोलिस पाटील पंकज वारके यांच्या माहितीवरून पोलिस ठाण्यात अकस्मात मृत्यूची नोंद करण्यात आली होती.

तर रात्री उशिरा वडील संतोष किनगे यांनी दिलेल्या फिर्यादीवरून दोन महिलांसह पाच संशयितांविरुद्ध आत्महत्येस प्रवृत्त केल्याचा कारणावरून गुन्हा दाखल करण्यात आला आहे. पोलिस निरीक्षक राकेश माणगावकर यांच्या मार्गदर्शनाखाली फौजदार अविनाश दहिफळे तपास करीत आहेत.