सातारा : बिल्डर्स असोसिएशनच्या सातारा शाखेने अभियंतादिनाचे कार्यक्रम रद्द करून, त्याऐवजी सातारकर नागरिकांसह असोसिएशनच्या सदस्यांच्या कुटुंबीयांना गरज लागल्यास आवश्‍यक असणाऱ्या सात ऑक्‍सिजन सपोर्ट मशिन्स येथील वात्सल्य फाउंडेशनकडे सुपूर्द केल्या. 

बिल्डर्स असोसिएशनने दहा ऑक्‍सिजन सपोर्ट मशिन्सचे वितरण करण्याचा संकल्प केला असून, अभियंतादिनी पहिल्या टप्प्यात सात मशिन्सचे वितरण करण्यात आले. उर्वरित मशिन्स येत्या काही दिवसांत सुपूर्द केल्या जाणार आहेत. "वात्सल्य'द्वारे या ऑक्‍सिजन मशिन्स कोरोनाबाधित रुग्णांना उपचारासाठी विनामूल्य देण्यात येणार आहेत.

साता-याचं वातावरण एकदम कुल, चला शहर बनवूया कलरफुल! 

असोसिएशनच्या सातारा शाखेचे अध्यक्ष श्रीराज दीक्षित, सचिव साहिल शेख, उपाध्यक्ष राजेश देशमुख, खजिनदार विजयसिंह जगदाळे, मंगेश जाधव, सचिन देशमुख, ओंकार शिंदे, सागर निंबाळकर, कौस्तुभ मोरे, संदीप जाधव, संजय खटावकर, पृथ्वीराज पाटील, किशोर लोखंडे, प्रवीण जांभळे व अन्य पदाधिकाऱ्यांच्या उपस्थितीत वात्सल्य फाउंडेशनचे डॉ. दीपक निकम, उपाध्यक्ष रणजित सावंत यांच्याकडे मशिन्स सुपूर्द करण्यात आल्या. 

संपादन : बाळकृष्ण मधाळे