बारामती - इस्माचे अध्यक्ष, जिल्हा परिषदेचे सदस्य रोहित पवार यांनी सावित्रीबाई फुले पुणे विद्यापीठातील दुष्काळग्रस्त व होतकरू विद्यार्थ्यांसाठी मोफत खानावळीची (मेस) सुरवात केली आहे. त्याचा फायदा मराठवाडा व दुष्काळी भागातील ४० विद्यार्थ्यांना पुढील दोन महिने होणार आहे.
रोहित पवार यांनी महिला दिनाचे औचित्य साधून या योजनेची सुरवात केली. या संदर्भात काही विद्यार्थ्यांनी पवार यांना माहिती दिली होती. दुष्काळी भागातील विद्यार्थ्यांच्या भोजनाचा खर्चाचा भार त्यांच्या कुटुंबीयांवर पडू नये, यासाठी
रोहित पवार यांनी सृजन अभियानामार्फत ही जबाबदारी घेतली. या पूर्वी रोहित पवार यांनी १५० विद्यार्थ्यांसाठी सृजनच्या माध्यमातून मोफत मेसची योजना सुरू केली होती. याखेरीज २०१५ मध्येही मराठवाड्यातील बारामतीत शिकत असलेल्या विद्यार्थिनींचा भोजन व इतर खर्चाची जबाबदारी घेऊन रोहित पवार यांनी त्यासाठी २५ लाखांची तरतूद केली होती.
पुण्यातील या भेटीवेळी आकाश झांबरे, ऋषीकेश जगदाळे, ओम कट्टे, शिवराज कुंभार, नंदकुमार हांगे, कृणाल सपकळ आदींसह इतरही विद्यार्थी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.