रहिमतपूर - रहिमतपुरातील रोकडेश्वर गल्लीतील धनुषा जगन्नाथ माने ही अडीच वर्षांची मुलगी बाजारादिवशी दुपारी गांधी चौकातून हरविली. विठ्ठल हणमंत साठे यांना ती सापडली. त्यांनी चौकशी करून धनुषाला रहिमतपूर पोलिस ठाण्यात पोचवले.
या घटनेची माहिती मिळताच सहायक पोलिस निरीक्षक घनश्याम बल्लाळ व सहकऱ्यांनी गांभीर्य ओळखून ‘रहिमतपूर बीट १००’ या नावाने काही दिवसांपूर्वीच व्हॉट्सॲप ग्रुपवर लहान मुलगी हरविल्याचे निवेदन दिले होते. त्यानुसार रहिमतपूर पोलिस ठाण्याशी संपर्क करण्याचे आवाहन करण्यात आले होते. एका तासातच धनुषाला आपल्या आई-वडिलांच्या ताब्यात देण्यात आले.
पोलिसांनी सोशल मीडियाचा चांगला वापर केल्याबद्दल वरिष्ठांकडून रहिमतपूर ठाण्याचे कौतुक करण्यात आले. घनश्याम बल्लाळ, महिला हवालदार आर. बी. परदेशी, ए. ए. चव्हाण, पोलिस नाईक जगदीश कणसे, संतोष नाळे, सचिन राठोड, महेश पवार, विनोद पवार, हवालदार विजय जाधव यांनी तपासात योगदान दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.