म्हसवड (जि.सातारा) : कोविड-19 साठी पंतप्रधान फंडात एक लाख 70 हजार रुपये व मुख्यमंत्री सहायता निधीत एक लाख रुपये असा एकूण दोन लाख 70 हजार रुपयांचा निधी येथील श्री धनजीभाई नेमचंद ट्रस्ट शहा परिवारातर्फे सुभाष हिराचंद शहा, अरिंजय नानचंद शहा, संजय नानचंद शहा यांनी येथील पालिकेचे मुख्याधिकारी सचिन माने, नगराध्यक्ष तुषार वीरकर, उपाध्यक्षा स्नेहल सूर्यवंशी यांच्याकडे सुपूर्त केला. विशेष बाब म्हणजे एक महिन्यापूर्वी या शहा परिवारातर्फे पंतप्रधान निधीसाठी भरघोस मदत केली होती. 

पालिकेच्या सभागृहामध्ये सोशल डिस्टन्सिंगचे पालन करून येथील शहा परिवाराने पंतप्रधान व मुख्यमंत्री सहायता निधी बॅंक एनएफटी मुख्याधिकारी सचिन माने यांच्याकडे सुपूर्त केले. यावेळी नगरसेवक गणेश रसाळ, शहाजी लोखंडे, गटनेते धनाजी माने, राष्ट्रवादी कॉंग्रेसचे नेते युवराज सूर्यवंशी, डॉ. प्रमोद गावडे, कैलास भोरे आदी मान्यवरांसह येथील सकल जैन समाज म्हसवड व श्री सन्मती सेवा दल यांच्यातर्फे शहा परिवाराचा शाल, श्रीफळ देऊन सन्मान करण्यात आला. 

यावेळी सकल जैन समाजाचे अध्यक्ष महावीर व्होरा, जैन समाजाचे उपाध्यक्ष महेंद्र, डॉ. राजेश शहा, सुकमार गांधी, भारत गांधी, भरत दोशी, अनिलकुमार देशमाने, जितेंद्र गांधी, सचिन देशमाने, चैतन्य देशमाने, प्रवीण दोशी, परेश व्होरा, संतोष दोशी, प्रीतम शहा आदी उपस्थित होते. 

पंतप्रधान व मुख्यमंत्री सहायता निधीस मदत केल्याबद्दल मुख्याधिकारी माने, गणेश रसाळ यांनी शहा परिवारासह सकल जैन समाजाचे पालिकेच्या वतीने आभार मानले.

संपादन - सुस्मिता वडतिले