सातारा : येथील औद्योगिक विकासात मोलाचे योगदान देतानाच येथील कूपर इंडस्ट्रीज सामाजिक बांधिलकीही जपत विविध संस्था, शाळा, महाविद्यालयांना मदत करत आहे. आता साताऱ्याच्या मातीतून उत्कृष्ट खेळाडू घडावेत, यासाठी येथील लाल बहादूर शास्त्री महाविद्यालयातील अस्मिता सावंत हिला धनुर्विद्येचे महागडे साहित्य घेता यावे, यासाठी 50 हजार रुपयांचा निधी उपलब्ध करून दिला आहे. 

अस्मिता सावंत ही उदयोन्मुख खेळाडू आहे. लहानपणापासून तिला खेळांची मोठी आवड. शिक्षण घेताना तिने धनुर्विद्या या क्रीडा प्रकारावर लक्ष केंद्रित केले. मात्र, या खेळाचे साहित्य फारच महाग आहे. महाविद्यालयाने तिला मदत करत सतत प्रोत्साहन दिले. अस्मितानेही महाविद्यालयाच्या मदतीचे चिज केले. धुळे आणि इस्लामपूर येथे झालेल्या राज्यस्तरीय धनुर्विद्या स्पर्धेत तिने रौप्यपदक मिळविले. महाविद्यालयाने तिला खेळाचे चांगले साहित्य मिळावे, यासाठी सतत प्रयत्न केले. मात्र, नवीन आधुनिक साहित्य मिळण्याइतकी मदत होत नव्हती. 

अशी भरुन घ्या वीजबिलांची थकबाकी; उदयनराजेंचा MSEB ला सल्ला

अखेर प्राचार्य डॉ. राजेंद्र शेजवळ, जिमखाना प्रमुख प्रा. विनायक भोई यांनी कूपर इंडस्ट्रीजकडे धाव घेतली. कूपर इंडस्ट्रीजचे अध्यक्ष व व्यवस्थापकीय संचालक फरोख कूपर, ह्युमन रिसोर्सचे मुख्य अधिकारी नितीन देशपांडे यांना वस्तुस्थिती सांगितली. श्री. कूपर आणि देशपांडे यांनी साताऱ्याचे नाव उज्ज्वल करणाऱ्या अस्मिताला पाठबळ देण्याचे ठरविले. तिला या खेळासाठी 50 हजार रुपयांची मदत केली. आता या मदतीतून अस्मिताला धनुर्विद्येचे दर्जेदार आणि आधुनिक साहित्य मिळू शकणार आहे. या मदतीबद्दल कूपर इंडस्ट्रीजचे प्राचार्य डॉ. शेजवळ यांनी आभार मानले. 

Video पाहा : भोरच्या दांपत्याचा टोलनाक्यावर राडा; दहा जणांवर गुन्हा दाखल

दिव्यांगांच्या लसीकरणास आरोग्य विभागाचा ठेंगा?

ये दोस्ती हम नहीं तोड़ेंगे, तोड़ेंगे दम मगर तेरा साथ ना छोडेंगे; उदयनराजे-शंभूराजेंच्या दोस्तीची राज्यभरात तुफान चर्चा

संपादन : बाळकृष्ण मधाळे