रत्नागिरी:  जिल्हा कोव्हिड रुग्णालयाने दैदिप्यमान कामगिरी केल्याचे पुढे आले आहे. गेल्या 100 दिवसात या रुग्णालयात 90 बालके दाखल झाली. यातील 32 बालकांचा अहवाल कोरोना पॉझिटिव्ह आला. तर 67 बालकांचा अहवाल निगेटिव्ह आले. बालकांवर यशस्वी उपचार झाल्याने कोरोनाला हरवून ही बालके सुखरुप घरी गेली. यामध्ये दहा दिवसांपूर्वी पॉझिटिव्ह आलेल्या दोन माता व नवजात बालकांचा समावेश आहे. कोरोनावर मात केल्यानंतर त्यांच्यावर पुष्पवृष्टी करून घरी सोडण्यात आले. 

जिल्हा शासकीय रुग्णालयात 20 जूनला दोन माता माता प्रसूत झाल्या. 26 जूनला दोन्ही मातेंचा कोरोना अहवाल पॉझिटिव्ह आला. त्यामुळे दोन्ही बालकांचे स्वॅब घेण्यात आले. त्यांचा अहवाल देखील पॉझिटिव्ह आला. बालकांना आईजवळ ठेऊन योग्य ती खबरदारी घेण्यात आली. मातेचे स्तनपान व नियमाप्रमाणे औषधोपाचार सुरू ठेवले. त्यामुळे 10 दिवसात उत्तम प्रतिसाद मिळाला. दोन्ही माता व नवजात बालके यशस्वी उपचारानंतर घरी सोडण्यात आले.

हेही वाचा - सुखद...! आता कोकणवासीयांची भविष्याची चिंता मिटली-

यावेळी प्रभारी जिल्हा शल्यचिकित्सक डॉ. संघमित्रा फुले, बालरोग तज्ज्ञ डॉ. दिलीप मोरे आदी डॉक्‍टर आणि कर्मचारी उपस्थित होते. कोरोनावर मात केलेल्या माता आणि नवजात बालकांवर पुष्पवृष्टी करून त्यांना घरी सोडण्यात आले. रुग्णालयात या बालकांवर बारकाईने लक्ष ठेऊन आणि वेळेवर औषधोपचार करून या सर्वांनी कोरोना या महामारीवर यशस्वीरित्या मात केली. या सर्वांना उपाचारानंतर घरी सोडण्यात आले.

हेही वाचा -तिसरी यादी अडकली, शेतकरी चिंतेत..काय आहे प्रकरण? -

स्तनपानामुळे प्रतिकारशक्ती वाढते 
बालरोग तज्ज्ञ डॉ. दिलीप मोरे म्हणाले, बालकामध्ये स्तनपानामुळे प्रतिकार शक्ती चांगलीच वाढते. नियमित लसीकरणामुळे प्रतिकार शक्ती वाढते. संसर्गामुळे बालकांमध्ये हर्ड इम्युनिटी प्राप्त होते. बालकांमध्य इम्युन सिस्टिम काम करत असते. यामध्ये साऱ्यांचे सहकार्य लाभले.