वेंगुर्ले (सिंधुदुर्ग ): वेंगुर्ले राऊळवाडा येथील आंबेखण येथीलच शेतकरी तरुण अनिल चंद्रकांत राऊळ (४२) यांचा सोमवारी रात्री मृतदेह आढळून आला. काल सोमवारी सायंकाळी नेहमीप्रमाणे राऊळवाडा आंबेखण भागात अनिल गुरे चरविण्यास गेले होते. ते सायंकाळी ७ वाजेपर्यत न आल्याने त्यांचा व गुरांचा शोधाशोध त्याच्या घरातील व्यक्तीसह परीसरातील ग्रामस्थांनी केली. दरम्यान आंबेखण येथील पाणथळ भागात त्यांचा मृतदेह आढळून आला.
या प्रकरणी राऊळवाडा येथील साबाजी रमेश राऊळ यांनी दिलेल्या खबरीनुसार वेंगुर्ले पोलीसांत त्याची अकस्मित मृत्यू म्हणून नोंद झाली आहे. त्याला फिट येण्याची सवय होती असे दिलेल्या खबरीत नमुद आहे. त्याच्या पश्चात पत्नी, आई, वडील, भाऊ, वहिनी, काका, चुलत भाऊ असा परीवार आहे. शहरातील गावडेश्वर मंदिर नजीक असलेल्या पानपट्टी स्टाँलचे मालक रवि राऊळ यांचे बंधु, शिवसेनेचे वेंगुर्ले शहर प्रमुख अजित राऊळ यांचा तो चुलत भाऊ तर उपनगराध्यक्ष अस्मिता राऊळ यांचा चुलत दिर होय. या प्रकरणाचा अधिक तपास पोलीस निरीक्षक तानाजी मोरे यांच्या मार्गदर्शनाखाली पोलीस उपनिरीक्षक व्ही. बी. पाटील करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.