राजापूर (रत्नागिरी) : छोटा टेम्पो आणि दुचाकी यांच्यात झालेल्या धडकेत स्वार जागीच ठार झाला. धोंडू सीताराम गांगण (वय 62) असे मृत दुचाकीस्वाराचे नाव आहे. हा अपघात रायपाटण येथे झाला.
हेही वाचा - दिवाळीचा बाजार अवघ्या 59 रुपयांत -
धोंडू सीताराम गांगण हे दुचाकीवरून (एमएच-08-एन-6299) एका सहकाऱ्यासह धामणपेकडून रायपाटण गांगणवाडीकडे दुपारी 12 च्या सुमारास येत होते. त्याचवेळी समोरून येणारा छोटा टेम्पो (एमएच-08-डब्लू-1880) रायपाटणकडून ओणीच्या दिशेने चालला होता.
धोंडू गांगण यांनी गांगणवाडीकडे जाणाऱ्या रस्त्याकडे आपली दुचाकी वळविली असताना अचानक पुढून आलेल्या टेम्पोची त्यांना जोरदार धडक बसली. त्यामध्ये दुचाकी चालक धोंडू गांगण यांना जबरदस्त मार बसून त्यांच्या डोक्यालाही गंभीर दुखापत झाली. त्यांच्यासमवेत असलेल्या सहकाऱ्याला किरकोळ दुखापत झाली.
अपघाताची माहिती मिळताच अनेकांनी घटनास्थळी धाव घेतली. जखमी अवस्थेतील धोंडू गांगण यांना तत्काळ रायपाटण ग्रामीण रुग्णालयात आणण्यात आले. मात्र, तोपर्यंत त्यांचे निधन झाले होते. अपघातप्रकरणी रायपाटण पोलिस दूरक्षेत्राकडून जाबजबाब घेण्याचे काम सुरू होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.