चिपळूण (रत्नागिरी) : कोरोनाचा संसर्ग टाळण्यासाठी घरी राहण्याच्या सूचना सरकारकडून देण्यात आल्या आहेत. या सूचनांचे पालन करून मिळालेला वेळ हरवत चाललेला संवाद पुन्हा नव्याने फुलवण्यासाठी वापरण्याचा सल्ला येथील तज्ञ डॉक्टर अल्ताफ सरगुरोह यांनी दिला आहे.

हेही वाचा- दुर्दैव : चुलती-पुतण्यांने जाळला ऊसाचा फड...

क्षणांचा  मिळाला  ब्रेक
ते म्हणाले, कोरोनाच्या पार्श्वभूमीवर सध्या शासनाने सर्वसामान्यांना अनावश्यक प्रवास टाळण्याचा आणि घरी राहण्याचा सल्ला दिला आहे. त्यामुळे एरव्ही घड्याळाच्या काट्यावर चालणार्‍या शहरातील नागरिकाना काही क्षणांचा ब्रेक मिळाला आहे. यानिमित्ताने नात्यात हरवत चाललेली ’कनेक्टिव्हिटी’ने पुन्हा करता येईल, गेल्या काही वर्षांत सोशल मीडियाचा वापर मोठ्या प्रमाणावर होऊ लागल्याने प्रवासी, नातेवाईक आणि मित्रांसोबतचा एकमेकांना भेटून होणारा ’संवाद’ काळाच्या ओघात हरवत असल्याचे चित्र दिसून येत आहे. मात्र कोरोनामुळे मिळालेल्या वेळेत घरी राहून ज्येष्ठ नागरिक, लहानग्यांशी नाते घट्ट करून पुन्हा एकदा नात्यांची नाळ जोपासता येईल.

हेही वाचा- ब्रेकिंग - दहावी परिक्षेसाठी आली नवीन नियमावली....

हरवत चाललेली ’कनेक्टिव्हिटी’ने पुन्हा येईल​

विविध कंपन्यांच्या महागड्या मोबाइलवर ऑनलाइनची सुविधा असल्याने त्या माध्यमातून अनेकांचा ऑनलाइन संवाद होत आहे; पण यामुळे प्रत्यक्ष भेटीतील आनंद लोपत चालला आहे. बस किंवा इतरही अनेक वाहनांमधून प्रवास करणारे एकमेकांशी आदराने बोलायचे. एकमेकांची चौकशी करायचे, चर्चेतून सुसंवाद घडायचा. शेतीचे हंगाम, आपापल्या भागातील पीक परिस्थिती, पाऊसपाणी, गावच्या जत्रा, नातेवाइकांची विचारपूस, स्थानिक राजकारणापासून ते थेट दिल्लीच्या राजकारणापर्यंत चर्चा झडायची. राज्य व केंद्र सरकारच्या अनेक निर्णयांबाबत साधकबाधक चर्चा व्हायची. आता पुन्हा एकदा मोकळ्या वेळेत आपल्या माणसांशी जोडण्याचा, संवाद साधण्याच्या दृष्टिकोनातून याकडे पाहावे, असे आवाहन त्यांनी केले आहे.