रत्नागिरी : चार दिवसांच्या विश्रांतीनंतर सोमवारपासून पुन्हा एकदा पावसाला सुरवात झाली आहे. त्याचा परिणाम मच्छीमारीवर होत आहे. कोरोनामुळे आर्थिक परिस्थिती गंभीर असल्यामुळे काही मच्छीमार धोका पत्करून समुद्रात जातात. ट्रॉलिंग, गिलनेटद्वारे मासेमारी करणाऱ्यांना चिंगळांचा आधार आहे.
ऑगस्टच्या पहिल्या दिवसापासून जिल्ह्यात मुसळधार पावसाला सुरवात झाली. कोकणच्या उत्तर भागात असलेल्या चक्राकार वाऱ्याच्या स्थितीमुळे कोकण किनारपट्टीवर ताशी ५० ते ६० किमी वेगाने वारे वाहण्याची शक्‍यता हवामान विभागाकडून वर्तविली आहे. तसेच पुढील चार ते पाच दिवस कोकण किनारपट्टीवर अतिवृष्टीचे संकेत दिले आहेत. त्यानुसार सोमवारी दिवसभर जिल्ह्यात मुसळधार पावसाला सुरवात झालेली आहे. सोमवारी सकाळी ८.३० वाजेपर्यंतच्या चोविस तासात सरासरी १०.२१ मिमी पाऊस झाला. त्यात मंडणगड ८.३०, दापोली ८.९०, खेड १६.९०, गुहागर १०.१०, चिपळूण ३.७०, संगमेश्वर १७.२०, रत्नागिरी ९, राजापूर ६.७०, लांजा ११.१० मिमी पावसाची नोंद झाली.
ऑगस्टमध्ये मच्छीमार बंदी उठली. पण मच्छीमारांना निसर्गाची साथ मिळाली नाही. चौथ्या दिवशीच वादळाला सुरवात झाली. पुढे चार दिवस मच्छीमार नांगर टाकून बंदरातच उभे होते. वादळाचा जोर शुक्रवारपर्यंत होता. शनिवारी 8 ऑगस्टला विश्रांती घेतल्यानंतर मच्छीमारांनी धाव घेतली. १५ वावापर्यंत प्रत्येक नौकेला मिळून दीडशे ते दोनशे किलो चिंगळं मिळत होती.
व्यापाऱ्यांकडून चिंगळांना किमान दोनशे ते अडीचशे रुपये दर दिला जात आहे. काही व्यापारी दर पाडून मागत असल्याने मच्छीमार त्रस्त आहेत. डिझेलचा खर्च, खलाशांचा पगार, देखभाल दुरुस्ती यावरील खर्च आणि मासळी विक्रीतून मिळणारे उत्पन्न याचा ताळमेळ बसत नाही. तरीही खलाशांचा खर्च अंगावर पडू नये यासाठी मच्छीमार पाऊस असतानाही सध्या समुद्रावर स्वार होत आहेत. गुहागर तालुक्‍यात अंजनवेल येथे नौका बुडाल्यानंतर काही मच्छीमार धास्तावले आहेत. सध्या वीस टक्‍केच मच्छीमार समुद्रात जात आहेत.
"कोरोनामुळे आर्थिक परिस्थिती बिकट झाली आहे. सध्या मिळणाऱ्या मासळीतून पाहिजे तसे उत्पन्न मिळत नाही. ना नफा, ना तोटा तत्त्वावर सध्या मासेमारी व्यवसाय सुरू आहे."
- आप्पा वांदरकर, मच्छीमार
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.