रत्नागिरी :  येत्या रविवारी (ता. 21 जुन)  रोजी एका अनोख्या खगोलीय घटनेची घटीका आहे. विज्ञानप्रेमींना अभ्यासाचा आणि सर्वांचा कुतुहलाचा विषय या निमित्ताने  दिसणार आहे.

 आसमंताच्या रंगमंचावर हे रंगणारं छाया-प्रकाश नाटय असं या ग्रहणाला म्हणता येईल. चालू शतकातील हे सर्वाधित काळ चालणारे सूर्यग्रहण कंकणाकृती प्रकारातलं आहे. ऑस्ट्रोलिया, आफ्रीका, युरोपचा काही भाग यासह भारतातही काही ठिकाणी हे ग्रहण दिसणार आहे. अर्थात मान्सूनने आभाळात ढंगाची दाटी असल्यास सर्व खगोलप्रेमींची निराशा होण्याचीही शक्यता दाट  आहे.

हेहि वाचा -शेतकरी सुखावला ;अखेर खेडमध्ये संततधार पावसाला सुरुवात....

भारतात याठिकाणी दिसणार ग्रहण 
 कंकणाकृती ग्रहण म्हणजे सूर्य आणि पृथ्वी यांच्या मध्ये चंद्र आल्यावर चंद्रामुळे सूर्याचा जवळपास सर्व भाग झाकला जातो आणि केवळ बांगडीच्या आकराची अर्थात कंकण आकाराची सूर्याची प्रभा कडेने डोकावताना दिसते. सुर्याला येणारी ही स्थिती खूप मोहक दृश्य निर्माण करणारी असते. हे ग्रहण आफ्रिकेतील कांगोमध्ये सर्वप्रथम दिसणार आहे. ज्याला स्पर्श बिंदू म्हणतात त्यानंतरचा याचा प्रवास इथिओपिआ, येमेन, सौदी अरेबिया, हिंद महासागर, पाकिस्तान मार्ग भारतात सर्व प्रथम राजस्थानात प्रवेश असा आहे. पुढे याचा प्रवास तिबेट, चीन हून प्रशांत महासागरात ते संपेल त्यापूर्वी ऑस्ट्रेलियातून देखील कंकणाकृती  सूर्यग्रहण बघता येईल.सूर्याची आभा झाकली गेल्याने भरदिवसा अंधार अर्थात रात्र झाल्याचा फिल देणारी  ही घटना आहे.

हेहि वाचा -मृगाच्या सरींची मंडणगडला कोसळधार ; शेत शिवार पाण्याने भरली तुडुंब

यांना मिळणार पहिल्यांदाच ग्रहण पहायला 

1994 नंतर ज्यांचा जन्म झाला अशा सर्वांसाठी हा पहिला ग्रहणानुभ असेल कारण यापूर्वी अशाप्रकारचं ग्रहण 24 ऑक्टोबर  1995 रोजी झाले  होते .ग्रहण काळात सूर्य किरण वक्री होतात त्यामुळे थेट डोळयांनी ग्रहण बघण डोळयांसाठी हानीकारक आहे. यासाठी ग्रहणचष्मा सर्वोत्तम उपाय आहे. काळया शिलच्या मदतीने टेलिस्कोप, ऑप्टीकल कॅमेरा किंवा अगदी साधी घरातील चाळणी, झाऱ्या यांच्या सहाय्याने याची प्रतिमा जमिनीवर किंवा कागदावर घेऊन  बघणं असे अनेक पर्याय सांगता येतील.  शतकातल्या या ग्रहणाच्या निमित्तानं आकाशात रंगणार हे नाटय सर्वांना एक पर्वणीच आहे.