autorickshaw driver donated plasma in ratnagiri 
कोकण

रत्नागिरीतील पहिला दाता ; रिक्षाचालक, कोविड योद्‌ध्याने केले प्लाझ्मा दान 

नरेश पांचाळ

रत्नागिरी - समाजाचे आपण काहीतरी देणे लागतो, या भावनेतून सामाजिक काम करणारे शिरगाव गणेशवाडी येथील सुबहान अजीज तांबोळी यांनी कोविड-19 च्या महामारीत "कोविड योद्धा' म्हणून काम केले. या महामारीत त्यांनी प्लाझ्मा दान केले असून ग्रामीण भागातून प्लाझ्मा दान करणारे ते पहिले ठरले आहेत. ते रिक्षाचालक आहेत. 

रिक्षा व्यवसायातून मिळालेल्या कमाईतील काही एक भाग समाजासाठी जावा, असे त्यांचे प्रयत्न असतात. या आधी शिरगाव येथे वाहतूक कोंडीत सापडलेल्या दहावी-बारावीच्या मुलांना कॉलेजपर्यंत मोफत सोडण्याचे काम करून त्यांनी बांधिलकी जपली होती. सामाजिक कार्य करताना कोविड-19 महामारीला सुरवात झाल्यानंतर त्यांनी रुग्णांना जिल्हा शासकीय रुग्णालयापर्यंत नेण्याचे काम केले. तसेच चारचाकीने जिल्ह्यात गरजूंना औषधे पोचविण्याचे काम ते करत होते. त्यांना कोविड योद्धा म्हणून गौरविण्यात आले होते. रत्नागिरीत प्लाझ्मा थेरपीचे युनिट तयार केले. या युनिटमध्ये सर्वप्रथम त्यांनी रविवारी (ता. 18) स्वतः प्लाझ्मा दान केले. त्यामुळे ग्रामीण भागात रिक्षा व्यवसाय करणारे व प्लाझ्मा दान करणारे ते पहिले रिक्षाचालक ठरले आहेत. प्लाझ्मा दान करण्याचा कार्यक्रम उच्च तंत्र शिक्षणमंत्री उदय सामंत, जिल्हाधिकारी लक्ष्मानारायण मिश्रा यांच्या उपस्थितीत झाला. 

कोविड महामारीत स्वतःला झालेली लागण, त्यातून बरे झाल्यावर तपासणीत योग्य ठरलो तर दुसऱ्याचा जीव वाचविण्यासाठी प्लाझ्मा दान करण्याचा निर्णय घेतला होता. संधी मिळताच प्लाझा दान केले. 
-सुबहान तांबोळी

संसर्गात प्रत्येकाला संघर्ष करताना पाहिले.. 

कोविड संसर्गात ते काम करत असताना त्यांनी कोविडची चाचणी केली. त्या चाचणीमध्ये त्यांच्या कुटुंबातील ते स्वतः व त्यांचे चिरंजीव हे दोघे पॉझिटिव्ह आले. त्या दोघांनीही कोरोनावर मात केली. या कालावधीत त्यांनी कोविड-19 संसर्गात प्रत्येकजण संघर्ष करताना जवळून पाहिले होते. ते स्वतः व चिरंजीव बरा झाल्यानंतरही त्यांनी आपले सेवाकार्य सुरूच ठेवले होते. 

संपादन - धनाजी सुर्वे 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Akhilesh Yadav VIDEO : "दिवे अन् मेणबत्त्यांवर पैसा का खर्च करायचा?, ‘ख्रिसमस’ मधून शिका" ; अयोध्या दीपोत्सवाच्या पूर्वसंध्येस अखिलेश यादव यांचं वादग्रस्त विधान!

Bus Accident :भीषण अपघात! चालकाचे नियंत्रण सुटले अन् बस खडकावर आदळली, १५ जणांचा मृत्यू

Air India flight malfunction : 'एअर इंडिया'च्या विमानात बिघाड; सणासाठी निघालेले २५५ भारतीय अडकले परदेशात!

AUS vs IND: ऑस्ट्रेलियाचा प्लॅन झाला! भारताचा सामना करण्यासाठी पहिल्या वनडेसाठी प्लेइंग इलेव्हनमध्ये दोन नव्या खेळाडूंना संधी

Boat Capsizes: दुर्दैवी! १४ भारतीय नागरिकांना घेऊन जाणारी बोट उलटली, ३ जणांचा मृत्यू, तर...; घटनेनं हळहळ

SCROLL FOR NEXT